ہاتھیوں کے درمیان جان لیوا لڑائی؟ ویڈیو وائرل

تھائی لینڈ کے پارک میں ہاتھیوں کی لڑائی کی ویڈیو سوشل میڈیا پر وائرل ہوگئی ہے، اس واقعے کی حقیقت جان کر یقیناً آپ دم بخود رہ جائیں گے۔

تفصیلات کے مطابق وائرل ویڈیو میں نظر آنے والے دو ہاتھیوں میں سے ایک ہاتھی کا مجسمہ ہے، مناظر میں دیکھا جاسکتا ہے کہ کس طرح حقیقی ہاتھی نے مجسمے کو سونڈ سے حملہ کرکے گرا دیا۔

رپورٹ میں بتایا گیا کہ یہ واقعہ تھائی لینڈ کے کھاؤ یائی نامی پارک میں پیش آیا جہاں استقبالیہ کے مقام پر ہاتھی کا مجسمہ رکھا گیا تھا ،ابتدائی طور پر ہاتھی نے سونڈ سے نقلی ہاتھی سے کھیلنے کی کوشش کی ممکنہ طور پر وہ غیردانستہ طور پر مجسمے کو اپنا ساتھی سمجھ رہا تھا۔

ممکن ہے کہ ہاتھی نے جان بوجھ کر نہیں گرایا بلکہ غلطی سے سونڈ لگنے کے باعث مجسمہ گرا ہے تاہم حقیقت واضح نہیں ہوسکی، سوشل میڈیا صارفین ویڈیو سے خوب لطف اندوز ہورہے ہیں۔

ایک رپورٹ کے مطابق ہاتھی پارک میں غذا تلاش کرتا ہوا مجسمے کے پاس آیا تھا جس کے بعد یہ واقعہ رونما ہوا۔

پارک انتظامیہ کا کہنا ہے کہ مذکورہ ہاتھی نے قریبی جنگل سے پارک کی طرف رخ کیا تھا، مختصر جنگ کے بعد جانور کو واپس جنگل بھیج دیا گیا ہے ۔

The post ہاتھیوں کے درمیان جان لیوا لڑائی؟ ویڈیو وائرل appeared first on .