اداکار سونو سود کا مداح کو دلچسپ جواب

بھارتی اداکار اور سماجی کارکن سونو سود نے ایک کروڑ روپے مانگنے والے مداح کو دلچسپ جواب دے دیا۔

مائیکرو بلاگنگ ویب سائٹ ٹوئٹر پر مہندرا نامی مداح نے اداکار سونو سود سے ایک کروڑ روپے کا مطالبہ کیا۔

مداح نے لکھا کہ سر ایک کروڑ دو نا مجھے جس کے جواب میں اداکار نے لکھا کہ بس ایک کروڑ روپے، تھوڑے زیادہ ہی مانگ لیتے۔

बस 1 करोड़ ??
थोड़े जायदा ही मांग लेता https://t.co/5h3KkCrrEA

— sonu sood (@SonuSood) August 23, 2021

ایک اور مداح نے ٹوئٹ کرتے ہوئے سونو سود سے کہا کہ سر آپ کی اگلی فلم میں مجھے رول دیں گے کیا؟ اس پر سونو سود کے جواب کو مداحوں نے کافی پسند کیا۔

اداکارہ نے کہا کہ کسی کی مدد کرنے سے بہتر کوئی رول نہیں، اگر آپ کسی کی مدد کرتے ہیں تو آپ سے بڑا کوئی ہیرو نہیں۔

किसी की मदद करने से बड़ा कोई रोल नहीं।
वो रोल कर ले, तेरे से बड़ा हीरो कोई नहीं https://t.co/V0xB5chuAE

— sonu sood (@SonuSood) August 23, 2021

واضح رہے کہ جب سے بھارت میں کورونا وائرس کی وباء پھیلی ہے تب سے اداکار سونوسود لوگوں کی مدد کرنے میں مصروف ہیں۔ سونوسود نے مختلف اسپتالوں میں آکسیجن، وینٹیلیٹرز اور ضروری اودیات خود سے فراہم کر کے لوگوں کی مدد کی۔

انہیں بھارت میں مسیحا کا لقب دیا گیا جس پر اداکار نے کتاب میں مسیحا نہیں ہوں لکھ ڈالا۔

اداکار کی سماجی خدمات سے متاثر ہوکر ان کے مداح نے حال ہی میں اپنے خون سے اداکار کی تصویر بنائی تھی تاہم سونو سود نے اسے غلط قرار دیتے ہوئے کہا تھا کہ ہمیں خون سے تصویر بنانے کے بجائے خون عطیہ کرنا چاہئیے تاکہ کسی کی زندگی بچ جائے۔

The post اداکار سونو سود کا مداح کو دلچسپ جواب appeared first on .