امریکی طیارے سے گر کر ہلاک ہونیوالا دوسرا شخص معروف کھلاڑی نکلا

کابل سے مسافروں کو لانے والے طیارے سے گر کر ہلاک ہونے والے دوسرے شخص کی شناخت ہو گئی ہے۔

 غیرملکی میڈیا کے مطابق  دوسرا شخص افغانستان فٹبال ٹیم کا کھلاڑی ذکی انواری تھا، جو گزشتہ پیر کو کابل ہوائی اڈے سے امریکی طیارے کے باہر لٹکا اور کچھ دوری کے بعد گر کر ہلاک ہو گیا۔

جنرل اسپورٹس اتھارٹی نے ذکی انواری کی موت کی تصدیق کی ہے۔

 یاد رہے کہ گزشتہ اتوار طالبان کے کابل پر کنڑول کے بعد شہریوں کی بڑی تعداد کابل ہوائی اڈے پر جمع ہو گئی تھی جن کی کوشش تھی کہ جہازوں میں سوار ہو کر افغانستان سے نکل جائیں ۔

میڈیا رپورٹس کے مطابق امریکی جہاز سی 17 میں چھ سو سے زائد افراد سوار ہو کر افغانستان سے نکل آئے تھے جبکہ کچھ افراد جہاز کے باہر لٹک گئے تھے جو اڑان بھرنے کے تھوڑی دیر بعد گر کر ہلاک ہو گئے۔

اس سے قبل امریکی طیارے سے گر کرہلاک ہونے والا ایک ڈاکٹر تھا جس کی شناخت محمد فدا کے نام سے کی گئی تھی۔

The post امریکی طیارے سے گر کر ہلاک ہونیوالا دوسرا شخص معروف کھلاڑی نکلا appeared first on .