یاسر نواز نے ڈائریکشن سے کنارہ کشی اختیار کر لی

پاکستان شوبز انڈسٹری کے معروف اداکار، پروڈیوسر اور ڈائریکٹر یاسر نواز نے اہم اعلان کر دیا ہے۔

 تفصیلات کے مطابق اداکار یاسر نواز نے اپنی ایک انسٹاگرام اسٹوری کے ذریعے بتایا کہ انہوں نے  ہدایت کاری سے کنارہ کشی اختیار کرلی ہے۔

یاسر نواز نے لکھا کہ میں نے اب سیریلز کی پروڈکش اور ہدایتکاری روک دی ہے۔

یاد رہے یاسر نے فُل ٹائم پروڈیوسر اور ڈائریکٹر کی حیثیت سے کام کیا، زبردست ڈراموں اور فلموں کی تیاری اور ہدایت کاری کی۔

تاہم وہ اب ڈراموں میں بطور اداکار بھی واپس آئے اور سخت کردار ادا کیے جسے عوام نے بےحد پسند کیا۔

واضح رہے یاسر نواز نے فلموں کی تیاری کے ساتھ ساتھ ہدایت کاری کی ہے جن میں مہر النسا وی لب یو، رانگ نمبر ، رانگ نمبر 2 شامل ہیں ، ان کی ایک اور پروڈیوس کردہ فلم ’چکر‘ جلد ریلیز کی جائے گی۔

یاسر نواز نے اعلیٰ ترین ٹی وی ڈراموں کی ہدایتکاری بھی کی ہے جن میں تم کون پیا ، چپ رہو ، سات پردوں میں ، تھوڑی سی وفا اور بہت سے دیگر ڈرامے شامل ہیں۔

یاسر نواز نے 2002 میں معروف مارننگ شو میزبان ندا یاسر سے شادی کی، جوڑے کے تین بچے ہیں۔

The post یاسر نواز نے ڈائریکشن سے کنارہ کشی اختیار کر لی appeared first on .