پی آئی اے نے کابل کے لیے خصوصی فلائٹ آپریشن بحال کردیا

پاکستان انٹرنیشنل ائیرلائنز( پی آئی اے) نے  کابل کے لیے خصوصی فلائٹ آپریشن بحال کردیا ہے۔

تفصیلات کے مطابق پاکستان انٹرنیشنل ائیرلائنز پی آئی اے کابل کے لئے آج 2 پروازیں آپریٹ کرے گی۔

ذرائع نے بتایا ہے کہ  ائیربس 320 طیارے پر مشتمل پہلی خصوصی پرواز اسلام آباد ائیرپورٹ سے دوپہر ساڑھے  12 بجے کابل  روانہ ہو گی اور بوئنگ 777 طیارے کی دوسری پرواز دوپہر 2 بجے  روانہ ہو گی۔

ذرائع نے بتایا ہے کہ اقوام متحدہ کے 500  اہلکاروں، پاکستانیوں سمیت غیرملکیوں کو کابل سے اسلام آباد پہنچایا جائے گا۔

اس ضمن میں پاکستان انٹرنیشنل ائیرلائنز( پی آئی اے)  کے ترجمان کا کہنا ہے کہ پی آئی اے پروازوں کے لئے افغان سی اے اے  اور دیگراسٹیک ہولڈرز سے رابطے مکمل کر لئے گئے ہیں۔

پاکستان انٹرنیشنل ائیرلائنز( پی آئی اے) کے ترجمان نے مزید بتایا ہے کہ پی آئی اے کی پروازوں سے افغانستان سے اب تک 1300 افراد کو کابل سے اسلام آباد پہنچایا گیا ہے۔

The post پی آئی اے نے کابل کے لیے خصوصی فلائٹ آپریشن بحال کردیا appeared first on .