مینارِ پاکستان واقعہ پر حیران رہ گئی ہوں: مہوش حیات

پاکستان شوبز انڈسٹری کی معروف اداکارہ مہوش حیات نے مینارِ پاکستان پر پیش آنے والے افسوسناک واقعے پر اپنے خیالات کا اظہار کر دیا۔

اداکارہ مہوش حیات نے سماجی رابطے کی ویب سائٹ ٹوئٹر پر جاری کیے گئے پیغام میں کہا کہ ایک بار پھر سے، میں حیران اور بے آواز ہوکر رہ گئی ہوں۔

Yet again,I’m left shocked & speechless.Any decent society should have dignity,security, & respect for women. Seems this doesn’t apply to us. Now a woman just being in a place is provocation enough for her to be groped.I sincerely fear for every daughter of Pakistan. God save us!

— Mehwish Hayat TI (@MehwishHayat) August 18, 2021

مہوش حیات نے کہا کہ کسی بھی مہذب معاشرے میں خواتین کا وقار، تحفظ اور احترام ہونا چاہیے لیکن لگتا ہے کہ یہ ہم پر لاگو نہیں ہوتا۔

اداکارہ نے شدید برہمی کا اظہار کرتے ہوئے کہا کہ اب ایک عورت کا صرف ایک جگہ پر ہونا اشتعال انگیزی کے لیے کافی ہے۔

تمام خواتین کی حفاظت کی دُعا کرتے ہوئے اداکارہ نے لکھا کہ خدا! ہمیں بچائے۔

واضح رہے کہ لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔

اوباش نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیئے جبکہ پولیس واقعہ سے بے خبر رہی۔

بعدازاں ایک نوجوان نے مشکل سے خاتون سے ہجوم سے نکالا تھا۔

خاتون کی درخواست پر 400 نامعلوم ملزمان کے خلاف مقدمہ درج کرلیا گیا ہے تاہم ابھی کوئی سزا نہیں سنائی گئی۔

واقعے کی ویڈیو وائرل ہونے پر وزیراعلیٰ عثمان بزدار ایکشن نے فوری کارروائی کا حکم دیتے ہوئے ویڈیو کے مدد سے ملزمان کو گرفتار کرنے کا حکم دیدیا ہے۔

وزیراعلیٰ عثمان بزدار کا کہنا تھا کہ خاتون کو انصاف دلانا حکومت کی ذمہ داری ہے۔

پولیس کی جانب سے کارروائی کرتے ہوئے تھانہ لاری اڈا میں مقدمہ درج کرلیا گیا ہے ۔

درج مقدمے کے متن کے مطابق خاتون یوٹیوبر ہے جبکہ حملہ آور ہجوم میں 400 سے 500 افراد شامل تھے

The post مینارِ پاکستان واقعہ پر حیران رہ گئی ہوں: مہوش حیات appeared first on .