سعودی عرب میں 29اگست سےا سکول کھولنے کا اعلان

سعودی عرب میں نیا تعلیمی سال اتوار 29 اگست سے شروع ہوگا، 30 جون کے بعد تعلیمی سال کے اختتام پر تعطیلات کا آغاز ہوگا۔

تفصیلات کے مطابق کورونا وباء کے پیش نظر مملکت میں تعلیمی سرگرمیاں معطل تھیں تاہم پھر سے طلباء کی اسکول ودیگر تدریسی مراکز پر حاضری کا سلسلہ شروع ہونے جارہا ہےجبکہ اساتذہ کی آمد آئندہ اتوار سے ہوگی۔

سعودی وزارتِ تعلیم کے مطابق مڈل اور ثانوی کلاسوں کے 70 فیصد طلبہ ویکسین لگوا چکے ہیں۔12 سال اور اس سے زیادہ کےطلبہ کی حاضری کی شرط کورونا ویکسین ہے۔

ترجمان کے مطابق کورونا ویکسین کی ایک خوراک لینے والوں کی شرح 45 فیصد ہے جبکہ 2 خوراکیں لینے والوں کی شرح 19 فیصد ہے۔

خیال رہے کہ سعودی عرب میں اس سال پہلی بار نیا تعلیمی کیلنڈر نافذ ہوگا جو تین سیشنز پر مشتمل ہے، ہر سیشن 13 ہفتوں کا ہے۔ تین سیشنوں کے درمیان بارہ چھٹیاں ہوں گی۔

تعلیمی سال کی 69 تعطیلات علیحدہ ہوں گی، تعلیمی سال کے 183 دن ہوں گے اور یہ گیارہ ماہ پر محیط ہوں گے۔ طلبا کو ایس او پیز پر عمل کرنے کی ہدایت کی گئی ہے۔

The post سعودی عرب میں 29اگست سےا سکول کھولنے کا اعلان appeared first on .