دنیا پر امن  اور مستحکم افغانستان دیکھنا چاہتی ہیں ، اسٹولٹن برگ

نیٹو کے سیکرٹری جنرل یین اسٹولٹن برگ نے کہا ہے کہ دنیا پر امن اور مستحکم افغانستان دیکھنا چاہتی ہیں۔

تفصیلات کے مطابق افغانستان  کی صورتحال پر نیٹو کے سیکرٹری جنرل یین اسٹولٹن برگ نے پریس کانفرنس کرتے ہوئے کہا کہ افغان فورسز اپنے ملک کا دفاع  کرنے میں ناکام رہیں۔

نیٹو کے سیکرٹری جنرل نے کہا کہ طالبان افغانستان کودہشت گردوں کا مرکزنہ بننےدیں، نیٹو اتحادیوں نے مزید طیارے افغانستان بھیجنے کا فیصلہ کیاہے۔

یین اسٹولٹن برگ نے یہ بھی کہا کہ نیٹوکاافغانستان میں ہمیشہ رکنے کا ارادہ کبھی نہیں تھا ،خدشہ تھا طالبان دوبارہ کنٹرول حاصل کریں گے۔

 نیٹو کے سیکرٹری جنرل کا کہنا تھا  کہ اندازہ نہیں تھاطالبان اتنی جلدی افغانستان پر  قبضہ کرلیں گے۔ افغانستان میں نیٹو اہلکاروں کی حفاظت سب سے اہم ہےجب تک ممکن ہوگا نیٹو کا سفارتی مشن کابل میں ہی رہے گا۔

یین اسٹولٹن برگ کا یہ بھی کہنا  تھا کہ نیٹو اتحادی طالبان کے حملے کی وجہ سے ہونے والے تشدد کے بڑے اضافے بشمول شہریوں پر حملے ، ٹارگٹ کلنگ اور انسانی حقوق کی سنگین خلاف ورزیوں کی رپورٹس کے بارے میں گہری تشویش میں مبتلا ہیں۔

نیٹو کے سیکرٹری جنرل یین اسٹولٹن برگ نے مزید کہا کہ طالبان کو یہ سمجھنے کی ضرورت ہے کہ اگر وہ طاقت کے ذریعے ملک پر قبضہ کرتے ہیں تو انہیں عالمی برادری تسلیم نہیں کرے گی۔

The post دنیا پر امن  اور مستحکم افغانستان دیکھنا چاہتی ہیں ، اسٹولٹن برگ appeared first on .