پاکستان اور سعودی عرب کےمابین تاریخی رشتہ قائم ہے، ایئر چیف مارشل

ایئر چیف مارشل ظہیر احمد بابر سدھو نے کہا ہے کہ پاکستان اور سعودی عرب کےمابین تاریخی رشتہ قائم ہے۔

تفصیلات کے مطابق ترجمان پاک فضائیہ  کی جانب سے جاری کردہ بیان میں کہا گیا ہے کہ سعودی عرب کے چیف آف جنرل سٹاف کی ایئر چیف مارشل ظہیر احمد بابر سدھو سے ملاقات ہوئی جس میں دونوں معززین نے پیشہ ورانہ اور باہمی دلچسپی کے امور پر تبادلہ خیال کیا ۔

ترجمان پاک فضائیہ کے مطابق ملاقات میں سربراہ پاک فضائیہ نے دونوں برادر ممالک کی فضائی افواج کے مابین تعلقات کو مزید فروغ دینے کا عزم کیا۔

سعودی عرب کے چیف آف جنرل سٹاف جنرل فایض بن حامد الرویلی نے کہا کہ پیشہ وارانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ قابل تعریف ہے۔

   ایئر چیف مارشل ظہیر احمد بابر سدھو نے کہا کہ پاکستان اور سعودی عرب کےمابین دیرینہ مذہبی،ثقافتی اورتاریخی رشتہ قائم ہے۔

The post پاکستان اور سعودی عرب کےمابین تاریخی رشتہ قائم ہے، ایئر چیف مارشل appeared first on .