نہیں چاہتی کہ بیٹے بالی ووڈ میں اداکاری کریں، کرینہ کپور

بالی ووڈ کی معروف اداکارہ کرینہ کپور خان نے انکشاف کیا ہے کہ وہ اپنے بیٹوں تیمور علی خان اور جہانگیر کی بالی ووڈ میں انٹری نہیں چاہتیں۔

اداکارہ کرینہ کپور خود نئی آنے والی فلم لال سنگھ چڈھا میں اپنے فن کا مظاہرہ کرتی دکھائی دیں گی لیکن وہ بچوں کی بالی ووڈ میں انٹری سے متعلق ایک الگ خیال رکھتی ہیں۔

غیر ملکی خبر رساں ادارے کے مطابق کرینہ کپور نے میڈیا سے گفتگو کرتے ہوئے اپنے بچوں کے مستقبل پر واضح انداز میں کہا کہ وہ نہیں چاہتیں کہ بیٹے بالی ووڈ میں اداکاری کریں۔

اداکارہ کا کہنا تھا کہ میں اس وقت بہت خوش ہوں گی جب ٹم میرے پاس آئے اور بولے کہ وہ کچھ اور کرنا چاہتا ہے، چاہے وہ ماؤنٹ ایورسٹ سر کرے یہ اس کی مرضی ہوگی۔

کرینہ نے مزید کہا کہ میں اس پر اپنے بیٹوں کا ساتھ دونگی اور سپورٹ کرونگی۔

کرینہ کا مزید کہنا تھا کہ جہانگیر ابھی صرف 6 ماہ کا ہے لیکن وہ بالکل میری طرح ہے جبکہ ٹم سیف کی طرح نظر آتا ہے۔

The post نہیں چاہتی کہ بیٹے بالی ووڈ میں اداکاری کریں، کرینہ کپور appeared first on .