بالی ووڈ کے اداکار انیل کپور کی بیٹی اور سونم کپور کی بہن پروڈیوسر ریحا کپور شادی کے بندھن میں بندھ گئیں۔
غیر ملکی خبر رساں ادارے کے مطابق ریحا کپور اپنے دیرینہ دوست کرن بولانی کے ساتھ شادی کے بندھن میں بندھ گئیں۔
View this post on Instagram
شادی انیل کپور کے جوہو والے بنگلے میں ہوئی جس میں گھر کے افراد کے علاوہ دولہا اور دلہن کے دوستوں نے شرکت کی۔
View this post on Instagram
کپور خاندان کی جانب سے فی الحال شادی کی تصاویر میڈیا پر شیئر نہیں کی گئیں تاہم صحافیوں کی جانب سے لی گئیں ریحا کپور کی رخصتی کے وقت کے مناظر کی تصاویر اور ویڈیوز سوشل میڈیا پر گردش کررہی ہیں۔
انیل کپور نے اپنے گھر کے باہر موجود میڈیا شخصیات میں مٹھائی تقسیم کی۔
View this post on Instagram
اس موقع پر انیل کپور نیوی بلیو رنگ کے کرتے اور سفید دھوتی میں نظرآئے۔
View this post on Instagram
سونم کپور نے اپنی بہن کی شادی پر ہلکا سبز اور سنہرا لباس زیب تن کیا اس لباس میں سونم بے حد خوبصورت لگ رہی تھیں۔
اس تقریب میں سونم کپور کے شوہر آنند آہوجا بھی شادی میں موجود تھے۔
View this post on Instagram
ریحاکپور کی شادی میں کپور خاندان کے دیگر افراد نے بھی شرکت کی جن میں ارجن کپور، خوشی کپور، شنایا کپور، انشولا کپور، بونی کپور، سنجے کپور اور ماہیپ کپور و دیگر شامل ہیں۔
واضح رہے ریحاکپور اور کرن بولانی گزشتہ 13 برسوں سے ایک دوسرے کے ساتھ ہیں۔ ریحاکپور پروڈیوسر اور کرن بولانی فلمساز ہیں اور وہ فلم ’’عائشہ‘‘ اور ’’ویک اپ سڈ‘‘ میں بطور معاون کام کرچکے ہیں۔
The post اداکارہ سونم کپور کی بہن ریحا کپور شادی کے بندھن میں بندھ گئیں appeared first on .