کاش ہم نے کھیلوں میں زیادہ سرمایہ کاری کی ہوتی، صنم جنگ

پاکستان شوبز انڈسٹری کی معروف میزبان و اداکارہ صنم جنگ نے قومی ہیروز کو حکومت پاکستان کی جانب سے نظر انداز کیے جانے پر افسوس کا اظہار کیا ہے۔

اداکارہ نے اپنی انسٹا اسٹوری پر سابق پاکستانی سائیکلسٹ محمد عاشق کے بارے میں ایک پوسٹ شیئر کی جنہوں نے 1960ء اور 1964ء کے اولمپکس میں پاکستان کی نمائندگی کی تھی۔

پاکستانی سائیکلسٹ محمد عاشق کو زندگی کے آخری ایام میں مالی مشکلات کا سامنا تھا اور وہ رکشہ چلا کر اپنا گزر بسر کرنے پر مجبور تھے۔

اداکارہ نے اپنی انسٹا اسٹوری میں لکھا کہ یہ ایک افسوسناک حقیقت ہے۔

انہوں نے مزید لکھا کہ  کاش ہم نے کھیلوں میں مزید سرمایہ کاری کی ہوتی اور ان لوگوں کا خیال رکھا ہوتا جنہوں نے اس ملک کا نام روشن کیا ہے۔

خیال رہے کہ پاکستانی سائیکلسٹ محمد عاشق  نے اپنے پورے اولمپک کیریئر میں کئی گولڈ میڈلز جیتے لیکن بدقسمتی سے اپنے کیریئر کےاختتام کے بعد انہیں حکومت کی جانب سے کوئی امداد فراہم نہیں کی گئی اور انہیں مجبور ہو کر رکشہ چلانا پڑا۔

The post کاش ہم نے کھیلوں میں زیادہ سرمایہ کاری کی ہوتی، صنم جنگ appeared first on .