اسلام آباد انٹر نیشنل ایئرپورٹ پر ریپڈ پی سی آر ٹیسٹ کی سہولت فراہم کردی گئی

اسلام آباد انٹر نیشنل ایئرپورٹ پر ریپڈ پی سی آر ٹیسٹ کی سہولت فراہم کردی گئی ہے۔

تفصیلات کے مطابق ڈی جی سی اے اے کی ہدایت پر نجی لیبارٹریز کو ایئرپورٹ پرکاونٹر قائم کرنے کی اجازت دی گئی ہے۔

ذرائع نے بتایا ہے کہ اسلام آباد انٹر نیشنل ایئرپورٹ سے  2 پروازوں کے ذریعے جانے والے مسافروں کے ریپڈ پی سی آر ٹیسٹ کئے گئے ہیں۔

اس ضمن میں سی اے اے حکام کا کہنا ہے کہ اسلام آباد سے دبئی اور ابو ظہبی جانے والی ایمریٹس اور ایئر بلو کی پرواز کے تمام مسافروں کے ریپڈ پی سی آر ٹیسٹ کئے گئے ہیں، مجموعی طور پر343 مسافروں  کے ریپڈ ٹیسٹ کرکے ان کی منزل مقصود کیلئے روانہ کیا گیا ہے۔

سی اے اے حکام نے مزید کہا ہے کہ مسافروں کو پرواز سے 5 گھنٹہ قبل ایئرپورٹ پہنچنے کی ہدایت کی گئی ہے۔

The post اسلام آباد انٹر نیشنل ایئرپورٹ پر ریپڈ پی سی آر ٹیسٹ کی سہولت فراہم کردی گئی appeared first on .