یہ افواہیں تھیں کہ شوکت ترین غائب ہوگیا، شوکت ترین

وزیر خزانہ شوکت ترین نے کہا ہے کہ یہ صرف افواہیں ہی تھیں کہ شوکت ترین غائب ہو چکا ہے۔

تفصیلات کے مطابق وزیر خزانہ شوکت ترین نے پریس کانفرنس کرتے ہوئے کہا کہ آئی ایم ایف بورڈ نے 650 ارب ڈالر کی منظوری دی تھی اور یہ رقم تمام ملکوں کیلئے منظور کی گئی ہے۔

ان کا کہنا تھا کہ  پاکستان کو 0.43 فیصد کے طور پر 2.77 ارب ڈالر 23 اگست تک مل جائیں گے جس پر کوئی شرائط نہیں ہوں گی اور یہ براہ راست اسٹیٹ بینک کے اکاؤنٹ میں آئیں گے۔

شوکت ترین نے کہا کہ جو رقم ہمیں آئی ایم ایف سے ملے گی اس سے ہمیں مالی ذخائر میں اضافہ ہوگا

وزیر خزانہ کا کہنا تھا کہ ہم آئی ایم ایف کے شکر گزار ہیں کہ انھوں نے .کورونا سے مقابلہ کرنے والی معیشتوں کیلئے رقم کی منظوری دی

انھوں نے کہا کہ یہ افواہیں تھیں کہ شوکت ترین غائب ہوگئے ہیں، اب میں آپ کے سامنے کھڑا ہوں۔

شوکت ترین کا کہنا تھا کہ آڈیٹر جنرل آف پاکستان بڑے بڑے پیرے بناتے ہیں، 34 ہزار آڈٹ اعتراضات پر ابھی تک کسی نے کوئی جواب نہیں دیا۔

وزیر خزانہ شوکت ترین کا مزید کہنا تھا کہ ہم آئی ایم ایف کی جانب سے دی گئی رقم شفافیت سے خرچ کرینگے اور ہم ہر گز یہ رقم لیکر شاپنگ مال میں شاپنگ کیلئے نہیں جائیں گے بلکہ مشاورت سے خرچ کریں گے۔

The post یہ افواہیں تھیں کہ شوکت ترین غائب ہوگیا، شوکت ترین appeared first on .