ویسٹ پولیس کی جانب سے منشیات فروش ملزمان کیخلاف مسلسل کریک ڈاؤن 

کراچی میں ویسٹ پولیس کی جانب سے منشیات فروش ملزمان کیخلاف مسلسل کریک ڈاؤن جاری ہے۔

تفصیلات کے مطابق  ایس ایس پی ویسٹ سوہائی عزیز نے مختلف کارروائیوں کے دوران 01 ملزمہ سمیت 07 منشیات فروش ملزمان کو گرفتار کیا ہے، منشیات فروش ملزمان کے خلاف کارروائیاں ضلع ویسٹ کے تھانے مومن آباد، پاکستان بازار، اورنگی اور سرجانی  ٹاؤن سے عمل میں لائی گئی ہیں۔

ایس ایس پی ویسٹ کا کہنا ہے کہ گرفتار ملزمان سے مختلف پیکنگ میں موجود وافر مقدار میں فائن کوالٹی کی چرس اور فروختگی کی رقم برآمد ہوئی ہے، ملزمان ضلع ویسٹ کے مختلف علاقوں میں چھپ کر منشیات فروش کرتے تھے۔

پولیس حکام کا کہنا ہے کہ گرفتار ملزمان میں ملزمہ زینب بی بی زوجہ عبدالستار سمیت عبدالقادر، عبدالغفّار، شہباز محمد اشرف، محمد ہاشم اور عبدالشکور شامل ہیں۔

ذرائع کا کہنا ہے کہ ویسٹ پولیس منشیات کے خاتمے اور منظم منشیات فروش ملزمان کی گرفتاری کیلئے ہر ممکن اقدامات کر رہی ہے۔

ایس ایس پی ویسٹ سوہائی عزیز کا مزید کہنا ہے  کہ گرفتار ملزمان کے خلاف ضابطے کے تحت متعلقہ تھانہ جات میں مقدمات درج کر کے تفتیش  کی جا رہی ہے۔

The post ویسٹ پولیس کی جانب سے منشیات فروش ملزمان کیخلاف مسلسل کریک ڈاؤن  appeared first on .