Zeal News Pakistan First Complete Media Group
کوئٹہ کے علاقے پشین میں سی ٹی ڈی نےعوامی نیشنل پارٹی کے مرکزی رہنما ملک عبیداللہ خان کاسی کے قتل میں ملوث 5 اغوا کاروں کو ہلاک کردیا ہے۔ ہلاک افراد اے این پی کے رہنما عبید کاسی کے قتل میں ملوث تھے۔
تفصیلات کے مطابق اے این پی کے رہنما ملک عبیداللہ کاسی کو 26 جون کو انکے آبائی علاقے کلی کتیر کچلاک سے مسلح افراد نے اغوا کیا تھا۔ گزشتہ دنوں انکی لاش ضلع پشین کے علاقے سرانان سے برآمد کی گئی تھی، اغوا کاروں نےانکے لواحقین سے بھاری تاوان کا مطالبہ بھی کیا تھا۔
سی ٹی ڈی ترجمان کا کہنا ہے کہ اغوا کاروں کو پشین میں ایک آپریشن کے دوران ہلاک کیا گیا ہے۔ملزمان کی شناخت ہو گئی ہے، پولیس نے مزید قانونی کارروائی شروع کردی ہے۔
سی ٹی ڈی حکام کا کہنا ہے کہ ملزمان کے قبضےسے بھاری مقدار میں اسلحہ جس میں 2 سب مشین گنز ،2 پستول، اور 3 ہینڈ گرینڈ برآمد ہوئے ہیں، مزید تحقیقات جاری ہے۔
ترجمان سی ٹی ڈی پولیس کا مزید کہنا ہے کہ قانون نافذ کرنیوالے اداروں نے سائنٹیفک انداز میں تحقیق کے بعد ایک اغوا کار جمعہ گل کو گرفتار کیاتھا۔
The post اے این پی رہنما ملک عبیداللہ خان کاسی کے قتل میں ملوث 5 اغوا کار ہلاک،سی ٹی ڈی appeared first on .
