گلوکار شہزاد رائے گورنر پنجاب کے مشکور

معروف پاکستانی گلوکار اور سماجی کارکن شہزاد  رائے نے اپنے کشمیر سے فلسطین تک کے بچوں کے لئے جاری کیے جانے والے نغمے کو سراہنے پر گورنر پنجاب چوہدری محمد سرور کا شکریہ ادا کیا۔

شہزاد رائے نے مائیکرو بلاگنگ ویب سائٹ ٹوئٹر پر گورنر پنجاب چوہدری محمد سرورکا شکریہ ادا کرتے ہوئے لکھا کہ  آپ کی حوصلہ افزائی کے لئے شکریہ۔

Thank you @ChMSarwar for your encouragement. In my humble capacity doing my bit to create awareness about the struggles of children trapped in Kashmir, Palestine and other war stricken areas https://t.co/zAw3FikDKy

— Shehzad Roy (@ShehzadRoy) August 6, 2021

انہوں نے مزید لکھا کہ  کشمیر ، فلسطین اور دیگر جنگ کی لپیٹ میں آئے ہوئے علاقوں میں پھنسے بچوں کی جدوجہد کے بارے میں آگاہی پیدا کرنے کے لئے اپنی ایک چھوٹی سی کوشش کی ہے۔

واضح رہے کہ شہزاد رائے نے چند روز قبل ایک نیا گانا ریلیز کیا تھا، انہوں نے یہ گانا اپنے لہو اور اپنے قلم سے آزادی کا علم بلند کرنے والوں اور کشمیر سے فلسطین تک مظالم کے سامنے ڈٹ جانے والے بچوں کے نام کیا ہے۔

The post گلوکار شہزاد رائے گورنر پنجاب کے مشکور appeared first on .