جعلی خبروں کے ذریعے عالمی میڈیا پر پاکستان کو نشانہ بنایا جا رہا ہے،صدر مملکت 

صدر مملکت ڈاکٹر عارف علوی نے کہا ہے کہ جعلی خبروں کے ذریعے عالمی میڈیا پر پاکستان کو نشانہ بنایا جا رہا ہے۔

تفصیلات کے مطابق صدر مملکت نے نیشنل ڈیجٹیل انفارمیشن پلیٹ فارم کی افتتاحی تقریب میں خطاب کرتے ہوئے کہا کہ وزارت اطلاعات کو مبارکباد پیش کرتا ہوں، وزیرا طلاعات فواد چوہدری جس وزارت میں بھی جاتے ہیں نئے اور بہتر کام کرتے ہیں۔

ڈاکٹر عارف علوی کا کہنا تھا کہ پاکستان ٹیلی وژن کے ڈرامے دنیا بھر میں مقبول تھے، پاکستان ٹیلی وژن کے ڈرامہ پروڈکشن کےمعیار کا کوئی ثانی نہیں تھا۔

انہوں نے کہا کہ پاکستان ٹیلی وژ ن کو اپنے ڈراموں میں ہمارے ثقافتی اقدار کو اجاگر کرنا چاہیے۔

صدرمملکت کا کہنا تھا کہ  جعلی خبروں کی نشرواشاعت پاکستان سمیت دنیا بھر میں ایک بڑا مسئلہ بن چکا ہے۔ جعلی خبروں کی بنیاد پر عراق پر حملہ کر کے لاکھوں افراد کو مار دیا گیا۔

ان کا کہنا تھا کہ پاکستان نے 35 لاکھ افغان مہاجرین کو پناہ دی جس کی دنیا بھر میں مثال نہیں۔

صدر مملکت ڈاکٹر عارف علوی کا مزید کہنا تھا کہ  پاکستان کی قیادت نے اچھے فیصلوں کے ذریعے کورونا وباء سے نمٹنے میں کامیابی حاصل کی جبکہ ہمارے پڑوسی ملک کی قیادت کے غلط فیصلوں سے انہیں کوروناسے بہت نقصان ہوا۔

The post جعلی خبروں کے ذریعے عالمی میڈیا پر پاکستان کو نشانہ بنایا جا رہا ہے،صدر مملکت  appeared first on .