لاڑکانہ میں آوارہ کتے  نے ایک اور معصوم بچے کی جان لے لی

لاڑکانہ میں آوارہ کتے  نے ایک اور معصوم بچے کی جان لے لی ، کتے کے کاٹنے کے خوف سے بچنے کے لئے بچے نے تالاب میں چھلانگ لگا دی جبکہ  دوسرے بچے نے بھاگ کر جان بچا لی۔

 تفصیلات کے مطابق لاڑکانہ کے  نواحی گاؤں آریجہ پھیڑو کے رہائشی بچے 12 سالہ علی ڈنو شیخ کی لاش لواحقین نے تالاب سے نکال لی  بچے کو چانڈکا اسپتال کے شعبہ حادثات لایا گیا جہاں بچے کے فوت ہونے کی تصدیق کر دی گئی۔

بچے کے والد لال ڈنو شیخ  کا کہنا ہے کہ  دونوں کزن پاس والے گاؤں ذکریو مہیسر دوست کے پاس گئے واپسی پر حادثہ پیش آیا ۔

 والد کا کہنا تھا کہ آوارہ کتوں کے خاتمے کے لیے کچھ نہیں کیا جا رہا۔

دوسری جانب اے آر وی سینٹر  کی رپورٹ  کے مطابق ایک روز کے اندر آوارہ کتے کے کاٹنے کے 12 نئے کیسز بھی رپورٹ ہوئے،تمام متاثرین بچوں و بڑوں کو ویکسین دی جا چکی ہے۔

The post لاڑکانہ میں آوارہ کتے  نے ایک اور معصوم بچے کی جان لے لی appeared first on .