باربی ڈول نے بھی کورونا کے خلاف جنگ شروع کردی

باربی ڈول نے بھی کورونا وائرس کی وباء کے خلاف جنگ شروع کردی ہے۔

تفصیلات کے مطابق کورونا وائرس کے خلاف ایسٹرازینیکا ویکسین تیار کرنے والی برطانوی پروفیسر ڈیم سارہ گلبرٹ سے متاثر ہوکر دنیا کی مقبول ترین باربی ڈول  کا نیا ایڈیشن متعارف کروادیا گیا۔

کمپنی کی جانب سے ڈاکٹر سارہ گلبرٹ کے ساتھ ساتھ مزید پانچ خواتین سے مشابہ باربی ڈول بھی تیار کی گئی ہیں جس کا مقصد کورونا کے خلاف مہم چلانے والی ان شخصیات کی حوصلہ افزائی کرنا اور انہیں خراج تحسین پیش کرنا ہے۔

نیلے کپڑوں اور کالے جوتوں کے ساتھ عینک لگائے منفرد گڑیا پروفیسر سارہ گلبرٹ کی ہے ۔

کمپنی کا کہنا ہے کہ کورونا کے خلاف فرنٹ لائن ورکرز نے زبردست قربانیاں دیں ہیں، باربی ان شخصیات کی کہانیوں کو سب کے سامنے لارہی ہیں، ان شخصیات کو خراج تحسین پیش کرنے کے لئے باربی کا پلیٹ فارم استعمال کیا جا رہا ہے جو قابل فخر ہے۔

The post باربی ڈول نے بھی کورونا کے خلاف جنگ شروع کردی appeared first on .