Zeal News Pakistan First Complete Media Group
اداکار فیروز خان کی اہلیہ علیزے سلطان کی حالیہ انسٹاگرام اسٹوری کا اسکرین شاٹ شیئر ہونے کے بعد چہ مگوئیاں کی جا رہی ہیں کہ دونوں کے اختلافات ختم ہوگئے ہیں۔
تفصیلات کے مطابق اس سے قبل دسمبر 2020 میں سوشل میڈیا پر ایسی خبریں پھیلی تھیں کہ دونوں میں اختلافات پیدا ہوگئے اور بعدازاں کچھ سوشل میڈیا پوسٹس میں یہ دعویٰ بھی کیا گیا تھا کہ ان کے درمیان طلاق بھی ہوگئی۔
گزشتہ 8 ماہ میں فیروز خان اور اہلیہ کی جانب سے علیحدگی اور طلاق کی افواہوں پر کوئی واضح بیان نہ دیے جانے کے بعد حال ہی میں علیزے سلطان کی انسٹاگرام اسٹوری کا اسکرین شاٹ وائرل ہوگیا ہے۔
علیزے سلطان کی اسٹوری وائرل ہونے کے بعد چہ مگوئیاں ہیں کہ ان کے درمیان اختلافات ختم ہوگئے ہیں۔
علیزے سلطان نے فیروز خان کے مقبول ڈرامے میں ان کی اور اقراء عزیز کی اداکاری کی تعریف کرتے ہوئے دونوں کو مینشن کیا۔
اسی حوالے سے شوبز ویب سائٹ گلیکسی لولی ووڈ نے انسٹاگرام پر علیزے سلطان کی اسٹوری کو شیئر کرتے ہوئے بتایا کہ انہوں نے اپنے شوہر کی اداکاری کو سراہتے ہوئے حال ہی میں ان کے لئے تعریفی جملے لکھے۔
علیزے سلطان کی جانب سے فیروز خان کی تعریف میں شیئر کی گئی اسٹوری کے بعد سوشل میڈیا پر مداحوں نے خوشگوار حیرت کا اظہار کرتے ہوئے سوال کیے کہ کیا ان کے درمیان اختلافات ختم ہوگئے اور کیا ان کی طلاق نہیں ہوئی تھی؟
جہاں مداحوں نے ان کی علیحدگی اور طلاق سے متعلق سوالات پوچھے، وہیں بعض مداحوں نے کمنٹس میں لکھا کہ علیزے سلطان کی جانب سے تعریف کیے جانے سے واضح ہوتا ہے کہ ان کے درمیان کوئی تنازعات نہیں۔
اگرچہ دونوں کی علیحدگی اور طلاق کی افواہیں پھیلنے کے بعد ان کے درمیان تنازعات ختم ہونے کی خبریں بھی چل رہی ہیں، لیکن حیران کن طور پر دونوں نے گزشتہ 8 ماہ سے واضح طور پر مذکورہ مسئلے پر کوئی بات نہیں کی۔
علاوہ ازیں دونوں نے گزشتہ ایک سال سے سوشل میڈیا پر ایک ساتھ کوئی تصویر یا ویڈیو بھی شیئر نہیں کی اور نہ ہی انہوں نے طلاق کی خبروں کو مسترد کیا اور نہ ہی اختلافات ختم ہونے کی بات کی۔
View this post on Instagram
واضح رہے کہ دونوں نے مارچ 2018 میں شادی کی تھی اور ان کے ہاں مئی 2019 میں پہلے بچے کی پیدائش ہوئی تھی۔
The post کیا فیروز خان اور ان کی اہلیہ میں اختلافات ختم ہوچکے؟ appeared first on .
