بجلی کے صارفین کے لیے سبسڈی ختم کرنے کی تیاری

حکومت نے بجلی کے گھریلو ،کمرشل ،صنعتی اور زرعی سمیت تمام صارفین کے لیے سبسڈی ختم کرنے کی تیاریاں کرلیں ہیں۔

تفصیلات کے مطابق حکومت نے بجلی کے گھریلو ،کمرشل ،صنعتی اور زرعی سمیت تمام صارفین کے لیے سبسڈی ختم کرنے کی تیاریاں کرلیں ہیں، وفاقی حکومت کی گائیڈ لائنز پر نیپرا 9 اگست کو سماعت کرے گی۔

بجلی پر سبسڈی ختم کرنے اور اس کے ٹیرف میں تبدیلی کی سفارشات نیپرا کو بجھوا دی گئی ہیں۔

سفارشات کے مطابق 200 یونٹ سے زیادہ بجلی استعمال کرنے والے صارفین کے الگ سلیب بنائے جائیں گے جبکہ  200 یونٹ سے زائد استعمال کرنے والے صارفین کے لئے فلیٹ ریٹس متعارف کروائے جائیں گے۔

گھریلو صارفین کے علاوہ صنعتی ،کمرشل اور زرعی صارفین کے سلیب پر بھی سبسڈی ختم کی جارہی ہے، زرعی شعبے پر سبسڈی بھی بتدریج ختم کرنے کا فیصلہ کر لیا گیا ہے جس کے بعد زرعی شعبے کے لئے بھی 2 نئے سلیب متعارف کروائے جائیں گے۔

The post بجلی کے صارفین کے لیے سبسڈی ختم کرنے کی تیاری appeared first on .