Zeal News Pakistan First Complete Media Group
بالی ووڈ کی اداکارہ شلپا شیٹی کے شوہر راج کندرا کو فحش فلمیں بنانے کے الزام نے اداکارہ کی زندگی مشکل میں ڈال دی۔
غیر ملکی خبر رساں ادارے کے مطابق اداکارہ شلپا شیٹی کے شوہر راج کندرا کو آن لائن پوسٹ کرنے کے الزام میں 19جولائی کو گرفتار کیا گیا تھا۔
اس کیس کے سبب شلپا شیٹی بھی اپنی مصروفیات ترک کرنے پر مجبور ہو چکی ہیں، جس کی وجہ سے انہیں شدید مالی نقصان پہنچ رہا ہے۔
بالی ووڈ ہنگامہ کے مطابق اس سارے قصے میں شلپا شیٹی کا 2کروڑ روپے کا نقصان محض ایک ٹی وی شو ’سپرڈانسر4‘ سے غیرحاضری پر ہو رہا ہے۔
رپورٹ کے مطابق راج کندرا پولیس کی حراست میں ہیں جبکہ شلپا شیٹی خود بھی اس کیس میں شامل تفتیش ہیں۔
تاہم ان کے گھر پر چھاپے کے دوران ہزاروں کی تعداد میں فحش ویڈیوز برآمد ہوئی ہیں۔
اب تک پولیس شلپا شیٹی سے دو بار تفتیش کر چکی ہے تاہم تاحال انہیں شلپا شیٹی کے اس مکروہ دھندے میں ملوث ہونے کے کوئی شواہد نہیں ملے۔
دوسری جانب شلپا شیٹی ’سپرڈانسر4‘ میں جج کے فرائض سرانجام دے رہی ہیں اور راج کندرا کی گرفتاری کے بعد سے شو کی ریکارڈنگز میں حصہ نہیں لے رہیں۔
اور اس ہی وجہ سے شو میں ان کی جگہ کرشمہ کپور کو ایک قسط کے لیے جج کی کرسی پر بٹھایا گیا۔
اگلی قسط میں رتیش دیش مکھ اور جنیلیا دیش مکھ مہمانان خصوصی کے طور پر شو کا حصہ بن رہے ہیں۔
جبکہ یہ افواہیں بھی گردش میں ہیں کہ انتظامیہ نے شلپا شیٹی کو اس شو سے نکال دیا ہے۔
تاہم ذرائع کے مطابق چینل کی طرف سے ایسا کوئی فیصلہ نہیں کیا گیا۔
واضح رہے کہ شلپا شیٹی اس شو میں بطور جج کام کرتے ہوئے 18سے 22لاکھ روپے فی قسط معاوضہ وصول کر رہی تھیں۔
The post شلپا شیٹی ’سپرڈانسر4‘ کی ایک قسط کا کتنا معاوضہ لیتی تھیں جو ان کے شوہر کی گرفتاری کے بعد بند ہوگیا؟ appeared first on .
