پولیس نے ماہم کے قاتل کو گرفتار کر لیا ، مرتضٰی وہاب

ترجمان سندہ حکومت مرتضٰی وہاب نے کہا ہے کہ پولیس نے ماہم کے ساتھ درندگی اور قتل کرنے والے درندہ صفت انسان کو گرفتار کر لیا ہے۔

تفصیلات کے مطابق ترجمان سندھ حکومت  مرتضٰی وہاب نے اپنے ویڈیو بیان میں کہا کہ میں معصوم  ماہم کے والدین کے ساتھ ہمدردی اور دلی تعزیت کا اظہار کرتا ہوں۔

ان کا کہنا تھا کہ قاتل درندے کا ڈی این اے ماہم کے ڈی این اے سے میچ کرگیا ہے جبکہ اس حیوان نے سفاکی کا اعتراف بھی کرلیا ہے۔

 ترجمان سندھ حکومت کا کہنا تھا کہ کورنگی پولیس نے تندہی سے کام کرتے ہوئے اس کیس کو منطقی انجام تک پہنچایا ہے۔

اپنے ویڈیو بیان کے ذریعے مرتضٰی وہاب نے کہا کہ ظالم شخص کا کیس عدالت میں چلے گا، انہوں نے عدلیہ سے گزارش کی کہ  اس سفاک کو کڑی سے کڑی سزا دے۔

ترجمان سندھ حکومت مرتضٰی وہاب نے اپنے ویڈیو بیان کے آخر میں عوام سے کہا کہ  اپنے ارد گرد نظر رکھیں تاکہ آئندہ اس قسم کے واقعات پیش نہ آئیں،بحیثیت معاشرہ کا فرد ہم سب نے اپنا کردار ادا کرنا ہے۔

The post پولیس نے ماہم کے قاتل کو گرفتار کر لیا ، مرتضٰی وہاب appeared first on .