اداکار سیٹ پر ڈائیلاگ یاد کرنے کے بجائے باتیں کرتے ہیں، مریم نفیس کا انکشاف

معروف اداکارہ مریم نفیس نے یہ انکشاف کیا ہے کہ اداکار سیٹ پر ڈائیلاگ یاد کرنے کے بجائے باتیں کرتے ہیں۔

تھیٹر پروڈیوسر کے طور پر شوبز کیرئیر کا آغاز کرنے کے بعد اداکاری میں انٹری دینے والی مریم نفیس نے نجی ٹی وی کے شو میں شرکت کی جہاں شوبز انڈسٹری کے تجربے پر گفتگو کی۔

اداکارہ کا کہنا تھا کہ تھیٹر میرے لئے  گھر کی طرح ہے اور پروڈکشن کا تجربہ بھی بہت اچھا رہا لیکن ٹی وی کی زندگی بہت مشکل ہے کیوںکہ اس کے بعد آپ کی کوئی زندگی نہیں رہتی۔

انہوں نے کہا کہ بہت زیادہ گرمی میں جب سیٹ پر پنکھے اے سی سب بند ہوں تو بہت سے فنکار اپنے ڈائیلاگز اور سین یاد  کرنے کے بجائے باتیں کرتے ہیں، ایسے اداکاروں کو یہی کہتی ہوں کہ پہلے اپنے سین یاد کرلو۔

اداکارہ کی بات پر اتفاق کرتے ہوئے میزبان نے بھی ماضی میں اداکاری کا تجربہ شیئر کرتے ہوئے بتایا کہ انہیں بھی سیٹ پر اسکرپٹ دینے کے بجائے لفظی طور پر ڈائیلاگز بتائے گئے۔

مریم نفیس نے بتایا کہ میں ان اداکاروں میں سے ہوں جنہیں اسکرپٹ پڑھنا ہوتا ہے لیکن حال ہی میں جب میں نے ایک فلم ساز سے پراجیکٹ سائن کرنے سے قبل اسکرپٹ مانگا تو انہوں نے مجھ پر برہم ہوتے ہوئے کہا کیا آپ بالی ووڈ میں کام کررہی ہیں جو اسکرپٹ مانگ رہی ہیں ،اب ایسا نہیں ہوتا ،آج کل کی لڑکیاں نجانے خود کو کیا سمجھتی ہیں۔

اداکارہ نے بتایا کہ جس پر میں نے پروڈیوسر کو کہا یہ میرا حق ہے آپ ایسے نہیں کہہ سکتے۔

The post اداکار سیٹ پر ڈائیلاگ یاد کرنے کے بجائے باتیں کرتے ہیں، مریم نفیس کا انکشاف appeared first on .