ٹی ٹوئنٹی ورلڈکپ،انگلینڈ نے آسٹریلیا کو باآسانی شکست دے دی

ٹی ٹوئنٹی ورلڈکپ کے سپر 12 مرحلے میں انگلینڈ نے آسٹریلیا کو باآسانی 8 وکٹوں سے شکست دے دی ہے۔

تفصیلات کے مطابق انگلینڈ نے ٹاس جیت کر پہلے باؤلنگ کا فیصلہ کیا، آسٹریلیا نے پہلے بیٹنگ کرتے ہوئے 125 رنز بنائے۔

آسٹریلیا کی جانب سے کپتان ایرن فنچ نے 44 رنز کی شاندار اننگ کھیلی، ایشٹن اگر 20،میتھیو ویڈ 18،مچل اسٹارک 13 جبکہ ڈیوڈ وارنر صرف 1 رن بنا کر پویلین لوٹ گئے۔

انگلینڈ کی جانب سے کرس جورڈن نے عمدہ باؤلنگ کا مظاہرہ کرتے ہوئے 3 کھلاڑیوں کو آؤٹ کیا جبکہ کرس ووکس اور ٹیمال ملس نے 2،2 وکٹیں حاصل کیں۔

مقررہ ہدف انگلینڈ نے باآسانی 11 ویں اوور میں 2 وکٹوں کے نقصان پر حاصل کر لیا۔

انگلینڈ کی جانب سے جوز بٹلر 32 گیندوں پر 71 رنز بنا کر ناقابل شکست رہے، ان کی اننگ میں 5 چھکے اور 5 چوکے شامل تھے،جیسن روئے 22 جبکہ جوہنی بریسٹو 16 رنز بنا کر ناقابل شکست رہے۔

آسٹریلیا کی جانب سے ایشٹن اگر اور ایڈم زمپا نے 1،1 وکٹ حاصل کی۔

انگلینڈ کے جوز طٹلر کو عمدہ بیٹنگ کا مظاہرہ کرنے پر مین آف دی میچ کا ایوارڈ دیا گیا۔

The post ٹی ٹوئنٹی ورلڈکپ،انگلینڈ نے آسٹریلیا کو باآسانی شکست دے دی appeared first on .