Zeal News Pakistan First Complete Media Group
قومی کرکٹ ٹیم کے کپتان بابراعظم کے والد اعظم صدیقی نے انکشاف کیا ہے کہ پاکستان اور بھارت میچ کے دوران ان کی اہلیہ اور بابراعظم کی والدہ وینٹی لیٹر پر تھیں۔
تفصیلات کے مطابق قومی کپتان بابر اعظم کے والد اعظم صدیقی نے سوشل میڈیا پلیٹ فارم انسٹاگرام پر لکھا کہ کچھ سچ اب ہماری قوم کو پتہ ہونا چاہئے۔
ان کا کہنا تھا کہ آپ سب کو مبارک ہوتینوں جیت پر، ہمارے گھر میں بڑا امتحان تھا۔
بابر اعظم کے والد کا کہنا تھا کہ جس دن بھارت سے میچ تھا اس دن بابر اعظم کی والدہ وینٹی لیڑ پر تھیں کیوں کہ ان کا آپریشن ہوا تھا۔
ان کا کہنا تھا کہ بابراعظم نے شدید پریشانی میں یہ تینوں میچز کھیلے۔
بابر اعظم کے والد کا کہنا تھا کہ میرا یو اے ای آنا نہیں بنتا تھا پر میں آیا کہ بابر کہیں کمزور نہ پڑ جائے ۔
بابر اعظم کے والد کا مزید کہنا تھا کہ کرم ہے پروردگار کا اب وہ ٹھیک ہیں، بات شیئر کرنے کا مقصد یہ ہے کہ خدارا اپنے قومی ہیروز کو بلا وجہ تنقید کا نشانہ نہ بنایا کریں۔
The post قومی کرکٹ ٹیم کے کپتان بابراعظم کے والد اعظم صدیقی کا بڑا انکشاف appeared first on .
