بلاول بھٹو کو وزیر اعظم بنائیں گے، شیری رحمان

پاکستان پیپلز پارٹی کی سینیٹر شیری رحمان نے کہا ہے کہ بلاول بھٹو زرداری کو وزیر اعظم بنائیں گے۔

تفصیلات کے مطابق پاکستان پیپلز پارٹی کی سینیٹر شیری رحمان نے پیپلز پارٹی کے مہنگائی کے خلاف احتجاجی مظاہرے میں خطاب کرتے ہوئے کہا کہ جب کراچی سے احتجاج شروع ہوتا ہے، تو دم مست قلندر ہوتا ہے، آج سے عدم اعتماد کی تحریک شروع ہوچکی ہے۔

 سینیٹر شیری رحمان کا کہنا تھا کہ بلاول بھٹو زرداری کو وزیر اعظم بنائیں گے، پیپلز پارٹی ہی صف اول پر کھڑی ہے، پیپلز پارٹی ہی ہر اول دستہ ہے، عمران نیازی کو چور ڈاکو کے علاوہ اور کوئی بات ہی نہیں آتی ہے۔

انہوں نے کہا کہ یہ آئی ایم ایف کی بیساکھی پر کھڑے ہیں، عوام ان کا ساتھ چھوڑ چکی ہے، اب عوام کے صبر کا پیمانہ لبریز ہوچکا ہے، عمران نیازی کا پیج پھٹ چکا ہے۔

واضح رہے کہ مہنگائی کے خلاف پیپلز پارٹی کے تحت کراچی سمیت سندھ بھر میں احتجاجی مظاہرے جاری ہیں، مہنگائی کے خلاف احتجاجی مظاہروں میں کراچی کے 6 مختلف مقامات پر پیپلز پارٹی کی مرکزی و صوبائی قائدین سمیت صوبائی وزراء نے شرکت کی۔

The post بلاول بھٹو کو وزیر اعظم بنائیں گے، شیری رحمان appeared first on .