اداکارہ شلپا شیٹی نے بڑی کامیابی اپنے نام کرلی

بھارتی اداکارہ شلپا شیٹی فلمی دُنیا کے بعد اب سوشل میڈیا پر بھی اپنی مقبولیت کے جھنڈے گاڑنے میں کامیاب ہوگئیں۔

کامیابی کے اس موقع پر  شلپا شیٹی نے اپنے 23 ملین فالوورز کے لئے خصوصی ویڈیو انسٹاگرام اسٹوری میں شیئر کی ہے۔

انسٹاگرام پر 23 ملین فالوورز ہونے کے بعد شلپا شیٹی بھی بالی ووڈ کی سوشل میڈیا پر مقبول ترین اداکاراؤں کی فہرست میں اپنی جگہ بنانے میں کامیاب ہوگئیں۔

اداکارہ نے کہا کہ وہ اپنی انسٹا فیملی کی محبت اور سپورٹ کے لئے اُن کی شُکر گزار ہیں۔

واضح رہے کہ حال ہی میں بھارتی اداکارہ شیرلین چوپڑا نے شلپا شیٹی اور ان کے شوہر راج کندرا کے خلاف پولیس کے پاس شکایت فائل کرتے ہوئے کہا تھا کہ انہیں (شیرلین چوپڑا کو) جنسی طور پر ہراساں کرنے، دھوکا دہی اور مجرمانہ طور پر دھمکانے پر راج کندرا کے خلاف مقدمہ درج کیا جائے۔

اداکارہ نے الزام عائد کیا تھا کہ شلپا شیٹی اور راج کندرا کے ہاتھوں وہ فراڈ اور ذہنی طور پر ہراساں کیے جانے کا شکار رہی ہیں۔

The post اداکارہ شلپا شیٹی نے بڑی کامیابی اپنے نام کرلی appeared first on .