بابر انہیں چائے پلانا نہ بھولنا، اسد عمر کا قومی کپتان کو مشورہ

وفاقی وزیر برائے منصوبہ بندی اسد عمر نے قومی ٹیم کے کپتان بابر اعظم کو بھارتی ٹیم کو فنٹاسٹک ٹی کا مشورہ دیکر ایک بار پھر بھارت کے زخموں پر نمک چھڑک دیا۔

تفصیلات کے مطابق وفاقع وزیر برائے منصوبہ بندی اسد عمر نے سماجی رابطے کی ویبسائٹ ٹویٹر پر جاری بیان میں کہا کہ پہلے ہم  پھینٹی لگاتے ہیں اور پھر جب یہ آسمان سے زمین پر آجاتے ہیں تو ان کو چائے پلاکر گھر بھیجتے ہیں۔

ٹوئٹر پر اسد عمر نے بابراعظم کو ٹیگ کرتے ہوئے ٹوئٹ کی اور لکھا کہ بابر انہیں چائے پلانا نہیں بھولنا۔

اسد عمر نے اپنی ٹوئٹ میں بھارت کے لیے  27 فروری کے اس واقعے کی یاد تازہ کی جب پاکستانی فضائیہ نے بھارتی پائلٹ ابھی نندن کے طیارے کو مار گرایا  اور پاک فوج نے بھارتی پائلٹ کو گرفتار کیا جس کے بعد ابھی نندن کی پاکستانی فوج کی حراست میں فنٹاسٹک ٹی کی  ویڈیو سامنے آئی۔

اسد عمر نے اس تاریخی واقعے کو یاد کرتے ہوئے لکھا کہ پہلے ہم ان کی پھینٹی لگاتے ہیں اور پھر جب یہ آسمان سے زمین پر آجاتے ہیں تو ان کو چائے پلاکر گھر بھیجتے ہیں۔

خیال رہے کہ ٹی ٹوئنٹی ورلڈکپ کے سپر 12 مرحلے میں  گزشتہ روز پاکستان نے بھارت کو یک طرفہ مقابلے کے بعد 10 وکٹوں سے شکست دے دی تھی۔

The post بابر انہیں چائے پلانا نہ بھولنا، اسد عمر کا قومی کپتان کو مشورہ appeared first on .