پاکستان کی فتح سے بدظن بھارتی طلبہ کا کشمیری طالب علموں پر تشدد

گزشتہ روز ٹی ٹوئنٹی ورلڈکپ میں بھارت کی عبرتناک شکست کے بعد کشمیری طلبہ کو تشدد کا نشانہ بنایا گیا ہے۔

بھارتی میڈیا کے مطابق متاثرہ طلبہ نے بتایا کہ اترپردیش بہار کے کچھ طلبہ کشمیری طلبہ کے کمروں میں ڈنڈوں سمیت گھس گئے اور ان پر حملہ کرتے ہوئے تشدد کا نشانہ بنایا۔

یہ واقعہ پنجاب کے علاقے سنگرور میں پیش آیا جہاں میچ کے بعد انجینئرنگ کالج کے طالب علموں کو بھارتی ریاست بہار کے طالب علموں نے کالج ہاسٹل کے کمروں میں گھس کر مبینہ طور پر تشدد کا نشانہ بنایا، طلبہ نے ان کے کمروں میں توڑ پھوڑ بھی کی۔

واقعہ کی اطلاع ملنے پر پولیس نے موقع پر پہنچ کر صورتحال کو قابو کیا۔

رپورٹ میں بتایا گیا کہ کشمیری طالب علموں پر تشدد کو فیس بک پر بھی لائیو دکھایا جاتا رہا۔

واقعہ کی ویڈیو اور تصاویر سوشل میڈیا پر وائرل ہوگئی ہیں جس میں طلبہ کے جسموں پر تشدد کے نشانات اور کمرے میں بکھرے سامان کو دکھایا گیا ہے۔

The post پاکستان کی فتح سے بدظن بھارتی طلبہ کا کشمیری طالب علموں پر تشدد appeared first on .