پاکستان اور ازبکستان کے درمیان تعلقات کی مضبوطی کیلئے پرعزم ہیں، وزیراعظم

وزیراعظم عمران خان نے کہا ہے کہ پاکستان اور ازبکستان کے درمیان تعلقات کی مضبوطی کے لیے پرعزم ہیں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے ایک پیغام میں صدارتی انتخابات میں شاندار کامیابی پر صدر شوکت مرزایوف کو مبارکباد پیش کی ہے۔

Heartiest congratulations to my friend President Shavkat Mirziyoyev @president_uz on impressive victory in Presidential elections. People of brotherly Uzbekistan have again reposed their trust in his able ldrshp. I look forward to continued productive engagement between & .

— Imran Khan (@ImranKhanPTI) October 25, 2021

اپنے پیغام میں وزیراعظم عمران خان نے کہا کہ ازبکستان کے لوگوں نے شوکت مرزایوف کی قیادت پر دوبارہ اعتماد کا اظہار کیا ہے، پاکستان اور ازبکستان کے درمیان تعلقات کی مضبوطی کے لیے پرعزم ہیں۔

علاوہ ازیں امریکی صدر کے خصوصی ایلچی جان کیری کی مڈل ایسٹ گرین انیشئیٹو سمٹ کی سائید لائن پر وزیراعظم عمران خان سے ملاقات ہوئی جس میں دونوں فریقین نے تعاون کے ایک مؤثر فریم ورک کے لیے قریبی رابطے پر اتفاق کیا۔

ملاقات میں وزیراعظم عمران خان نے ماحولیاتی تبدیلیوں کی وجہ سے پاکستان اور دیگر ترقی پذیر ممالک کو درپیش چیلنجوں کے بارے میں اپنے نقطہ نظر سے امریکی صدر کے خصوصی ایلچی جان کیری کو آگاہ کیا جبکہ وزیراعظم نے 10 بلین ٹری سونامی منصوبے سمیت ماحولیاتی چیلنجوں سے نمٹنے کے لیے پاکستانی اقدامات سے بھی آگاہ کیا۔

عمران خان نے “یو ایس پاکستان کلائمیٹ اینڈ انوائرمنٹ ورکنگ گروپ” کے افتتاحی اجلاس پر اطمینان کا اظہار کیا اور کہا کہ موسمیاتی تبدیلی خطرے کے خلاف قومی اور عالمی سطح پر زور دینے کی ضرورت ہے۔

وزیراعظم عمران خان نے مزید کہا کہ پاکستان اور امریکہ کو موسمیاتی تبدیلی کے خلاف جنگ می خیالات ، مہارت اور ٹیکنالوجی کا اشتراک جاری رکھنا چاہیے جبکہ پاکستان اور ترقی پذیر دنیا میں موسمیاتی تخفیف ، لچک اور موافقت میں سرمایہ کاری کی حمایت کی جانی چاہیے۔

اس موقع پر امریکی صدر کے خصوصی ایلچی جان کیری نے وزیر اعظم کو بائیڈن انتظامیہ کی جانب سے یو این ایف سی سی سی کانفرنس آف پارٹیز میں موسمیاتی کارروائی پر وسیع عالمی اتفاق رائے پیدا کرنے کے لیے اٹھائے گئے مختلف اقدامات سے وزیراعظم کو آگاہ کیا جبکہ جان کیری نے موسمیاتی تبدیلی سے لڑنے کے لیے پاکستان کی جانب سے کیے گئے مختلف اقدامات کی بھی تعریف کی۔

امریکی صدر کے خصوصی ایلچی جان کیری نے کہا کہ پاکستان اور امریکہ کے درمیان دیرینہ تعلقات ہیں ، دو طرفہ تعلقات، آب و ہوا اور ماحولیات میں مزید مضبوط کیا جانا چاہیے

The post پاکستان اور ازبکستان کے درمیان تعلقات کی مضبوطی کیلئے پرعزم ہیں، وزیراعظم appeared first on .