آئی ایم ایف کی شرائط پرمعاہدہ کرنے سے مہنگائی کا سونامی آئیگا ، حافظ حمداللہ

ترجمان پی ڈی ایم حافظ حمداللہ نے کہا ہے کہ آئی ایم ایف کی شرائط پرمعاہدہ کرنے سے مہنگائی کا سونامی آئیگا۔

تفصیلات کے مطابق ترجمان پی ڈی ایم حافظ حمداللہ نے کہا ہے کہ 22 کروڑ عوام اور پاکستان کوآئی ایم ایف کے ہاتھوں فروخت کرنے کی نئی بولی لگنے جارہی ہے۔

انہوں نے کہا کہ پاکستان کو آئی ایم ایف کے حوالے تب کیا جب رضاباقر کواسٹیٹ بینک کا گورنر مقررکردیا گیا ، گورنراسٹیٹ بینک آج بھی آئی ایم ایف کاملازم ہے ، ماضی میں مصر کی معیشت تباہ ہوئی اب وہی معاشی تباہی کا فارمولا پاکستان میں تین سال سے ازمایا جارہاہے۔

حافظ حمداللہ نے کہا ہے کہ 22 کروڑ پاکستان کی عوام  میں کوئی کوالیفائیڈ شخص نہیں جو اسٹیٹ بینک کا گورنر بن سکے ، آئی ایم ایف کی شرائط پرمعاہدہ کرنے سے مہنگائی کا سونامی آئیگا۔

ترجمان پی ڈی ایم حافظ حمداللہ نے کہا ہے کہ مہنگائی کی اس خطرناک صورتحال کے پیش نظر پی ڈی ایم سڑکوں پر ہے۔

 اس سے قبل پی ڈی ایم کے ترجمان حافظ حمداللہ نے میڈیا سے گفتگو کرتے ہوئے کہا تھا کہ پیپلز پارٹی کی صوابدید ہے احتجاج میں شرکت کرسکتے ہیں، پیپلز پارٹی پی ڈی ایم سے خود الگ ہوئی ہے۔

حافظ حمداللہ نے کہا تھا کہ پی ڈی ایم سربراہی اجلاس میں آئندہ کی حکمت عملی طے کی جائے گی، لانگ مارچ، شٹرڈاؤن اور ہڑتال سمیت دیگر آپشنز موجود ہیں۔

پی ڈی ایم کے ترجمان حافظ حمداللہ نے مزید کہا تھا کہ ملک بھرمیں 5 نومبر تک احتجاج کا سلسلہ جاری رہے گا، مولانا فضل الرحمان نے کراچی ریلی میں شریک ہونا تھا، پشاور میں ساتھی کے انتقال کے باعث مولانا کراچی نہیں آسکے۔

The post آئی ایم ایف کی شرائط پرمعاہدہ کرنے سے مہنگائی کا سونامی آئیگا ، حافظ حمداللہ appeared first on .