وفاقی حکومت نے پویلین میں تمام صوبوں کو نمائندگی دی ہے، صوبائی وزیرصنعت

صوبائی وزیر صنعت و تجارت میاں اسلم اقبال نے کہا ہے کہ وفاقی حکومت نے پویلین میں تمام صوبوں کو نمائندگی دی ہے۔

تفصیلات کے مطابق صوبائی وزیر صنعت و تجارت میاں اسلم اقبال نے لاہور میں میڈیا سے گفتگو کرتے ہوئے کہا کہ وفاقی حکومت نے دبئی ایکسپو میں اپنا پویلین بنایا ہے۔

میاں اسلم اقبال نے کہا ہے کہ وفاقی حکومت نے پویلین میں تمام صوبوں کو نمائندگی دی ہے، جلد رجسٹریشن پورٹل کا وزیراعلیٰ پنجاب افتتاح کریں گے۔

صوبائی وزیر کا کہنا ہے کہ پنجاب حکومت نوجوانوں کو سپورٹ کررہی ہے، نمائش اہمیت کی حامل ہے، لوگوں کو متوجہ کریں گے، دبئی ایکسپو میں صوبے اپنی چیزیں سامنے رکھیں گے۔

اسلم اقبال نے کہا ہے کہ نمائش کے دوران مختلف سیمیناروں کا اہتمام کیا جائے گا، مختلف اوقات میں پنجاب کے 20 مختلف شعبے دبئی جائیں گے۔

صوبائی وزیر صنعت و تجارت میاں اسلم اقبال نے مزید کہا ہے کہ پنجاب میں چینی کی قیمت 90 روپےفی کلو ہے، سندھ میں چینی کی قیمت 110 روپے فی کلو کیوں ہے؟ سندھ میں بیٹھے لوگ مہنگائی کا ملبہ وفاقی حکومت پر ڈال رہے ہیں۔

The post وفاقی حکومت نے پویلین میں تمام صوبوں کو نمائندگی دی ہے، صوبائی وزیرصنعت appeared first on .