پہلی چیف منسٹر پنجاب فائیو اے سائیڈ قومی وومن ہاکی چیمپئین شپ

پہلی چیف منسٹر پنجاب فائیو اے سائیڈ قومی وومن ہاکی چیمپئین شپ میں کواٹر فائینلز لائن اپ مکمل ہوگئی ہے۔

تفصیلات کے مطابق پاکستان واپڈا، پاکستان آرمی، پاکستان ریلویز، ہائر ایجوکیشن کمیشن ، پنجاب کلرز،اسلام آباد، پنجاب وائٹس اور سندھ وائٹس کی ٹیمیں کواٹرز فائینلز کے لئے کوالیفائی کرگئیں۔

اسپورٹس بورڈ پنجاب کے زیراہتمام پاکستان ہاکی فیڈریشن کی زیرنگرانی پہلی چیف منسٹر پنجاب فائیو اے سائیڈ نیشنل وومن ہاکی چیمپئن شپ کے تیسرے روز مقابلے جاری رہے۔

نیشنل ہاکی اسٹیڈیم میں اتوار کے روز چھ میچز کھیلے گئے، ڈائریکٹر جنرل سپورٹس پنجاب عدنان ارشد اولکھ نے میچز دیکھے اور کھلاڑیوں کی حوصلہ افزائی کی۔

ڈائریکٹر جنرل اسپورٹس پنجاب عدنان ارشد اولکھ سے کھلاڑیوں کا تعارف کرایا گیا، کھلاڑیوں نے ان کے ساتھ گروپ فوٹوز بھی بنوائیں۔

چیمپئین شپ کے تیسرے روز پہلے میچ میں خیبر پختونخوا کلر نے آزاد جموں وکشمیر کو 7-1،دوسرے میچ میں واپڈا نے سندھ کلر کو 13-0،تیسرے میچ میں پنجاب کلر نے سندھ وائٹ کو 5-0،چوتھے میچ میں گلگت بلتستان نے خیبر پختونخوا وائٹ کو 3-2، پانچویں میچ میں آرمی نے پنجاب وائٹ کو 5-1 سے شکست دیدی،اور چھٹامیچ ایچ ای سی اور ریلویز میں برابر رہا، دونوں ٹیموں نے دو، دو گول کئے۔

ہر میچ کے موقع پر پاکستان کا قومی ترانہ بجایا گیا۔

اس موقع پر جنرل مینجر پاکستان ہاکی فیڈریشن وومن ونگ تنزیلہ عامر چیمہ، ڈائریکٹر اسپورٹس محمد حفیظ، ڈپٹی ڈائریکٹر اسپورٹس چاند پروین ودیگر بھی موجود تھے۔

The post پہلی چیف منسٹر پنجاب فائیو اے سائیڈ قومی وومن ہاکی چیمپئین شپ appeared first on .