ٹی ٹوئنٹی ورلڈ کپ کے لئے قومی ٹیم کی آفیشل کٹ لانچ کردی گئی

ٹی ٹوئنٹی ورلڈ کپ کے لئے قومی کرکٹ ٹیم کی آفیشل کٹ لانچ کردی گئی ہے۔

تفصیلات کے مطابق قومی ٹیم کی ورلڈ کپ کٹ کا رنگ گہرا اور ہلکا سبز رکھا گیا  ہے۔

شرٹ پر دائیں جانب پاکستان کا لوگو جبکہ بائیں جانب آئی سی سی ورلڈ کپ ٹی ٹوئنٹی کا لوگو آویزاں  ہے،شرٹ کے وسط میں پاکستان لکھا گیا ہے۔

واضح رہے کہ قومی اسکواڈ ٹی ٹوئنٹی ورلڈ کپ میں شرکت کے لئے متحدہ عرب امارات پہنچ گیا ہے۔

متحدہ عرب امارات میں ٹی ٹوئنٹی ورلڈکپ کا آغاز 17اکتوبر سے ہو گا اور بابر اعظم کی قیادت میں پاکستان ٹیم 24اکتوبر کو بھارت کے خلاف اپنا پہلا میچ کھیلے گی۔

ٹی ٹوئنٹی ورلڈ کپ میں 24اکتوبر کو پاکستان کا مقابلہ انڈیا کیساتھ دبئی انٹرنیشنل کرکٹ اسٹیڈیم میں ہو گا،26اکتوبر کو پاکستان بمقابلہ نیوزی لینڈ،شارجہ کرکٹ اسٹیڈیم،29اکتوبر کو پاکستان بمقابلہ افغانستان، دبئی،2نومبر کو پاکستان بمقابلہ اے ٹو ابوظہبی،7 نومبر کو پاکستان بمقابلہ بی ون،شارجہ میں کھیلا جائیگا۔

The post ٹی ٹوئنٹی ورلڈ کپ کے لئے قومی ٹیم کی آفیشل کٹ لانچ کردی گئی appeared first on .