Zeal News Pakistan First Complete Media Group
وفاقی وزیر داخلہ شیخ رشید نے کہا ہے کہ 25 تاریخ کو وزیر اعظم نالہ لئی کی گراؤنڈ بریکنگ کی تقریب میں آئیں گے۔
تفصیلات کے مطابق وفاقی وزیر داخلہ شیخ رشید نے راولپنڈی میں وقارالنساء کالج کی تقریب سے خطاب کرتے ہوئے کہا ہے کہ آج میری زندگی کا اہم دن ہے میں نے تین خواب دیکھے تھے۔
انہوں نے کہا کہ ڈاکٹر قدیر نے مجھے کہا تھا کہ شیخ رشید بچیوں کی تعلیم پر زور دینا ، جس جگہ ڈھوک کا نام تھا وہاں بیٹیوں کا اسکول اور کالج بنایا ، ہماری قوم کی بیٹی پڑھی لکھی ہے ہمیں کوئی شکست نہیں دے سکتا۔
وفاقی وزیر داخلہ شیخ رشید نے کہا کہ میری زندگی کا مقصد آج پورا ہوگیا ہے ، عثمان بزدار نےنالہ لئی اور رنگ روڈ کی منظوری دے دی ہے ، سابق چیف منسٹر ہاؤس میں آئی ٹی یونیورسٹی بن سکتی ہے۔
دوسری جانب وزیر اعلیٰ پنجاب سردار عثمان بزدار نے راولپنڈی میں وقارالنساء کالج کی تقریب سے خطاب کرتے ہوئے کہا ہے کہ خواتین کے لیے تعلیم بہت اہم ہے۔
وزیر اعلیٰ پنجاب سردار عثمان بزدار نے کہا کہ پنجاب حکومت نے خواتین کے لیے تعلیم کے حوالے سے کام کیے ، حکومت پنجاب تمام شہریوں کے لیے یکساں طور پر کام کر رہی ہے ، حکومت پنجاب نے تعلیم کے ساتھ ساتھ صحت پر بھی کام کیا ہے۔
The post 25 تاریخ کو وزیر اعظم نالہ لئی کی گراؤنڈ بریکنگ کی تقریب میں آئیں گے ، شیخ رشید appeared first on .
