Zeal News Pakistan First Complete Media Group
صوبائی وزیر صحت ڈاکٹر یاسمین راشد نے کہا ہے کہ ڈینگی کے پھیلاؤ کو روکنا تمام متعلقہ محکمہ جات کی ذمہ داری ہے۔
تفصیلات کے مطابق وزیراعلیٰ پنجاب سردارعثمان بزدار کی ہدایت پر صوبائی وزیر صحت ڈاکٹر یاسمین راشد کی زیرصدارت ایوان وزیراعلیٰ میں کابینہ کمیٹی اجلاس برائے کورونا اور ڈینگی کا اجلاس ہوا جس میں صحت کے سیکرٹریز نے اجلاس کے دوران وزیرصحت کو بریفنگ دی۔
کابینہ کمیٹی نے اجلاس کے دوران لاہورمیں 89دن کیلئے ویکسینیٹرز بھرتی کرنے کی منظٰوری دے دی جبکہ ابینہ کمیٹی نے ڈینگی فیلڈ ہسپتال ایکسپوسنٹرمیں تمام اخراجات کی منظٰوری دے دی۔
چیف سیکرٹری پنجاب نے صوبہ میں کورونااور ڈینگی پر قابوپانے کیلئے تمام کمشنرزاورڈ ی سی حضرات کو خصوصی ہدایت کی۔
اجلاس کی صدارت کرتے ہوئے وزیر صحت ڈاکٹر یاسمین راشد نے صوبہ میں ویکسی نیشن کی تعدادبڑھانے پر محکمہ پرائمری اینڈ سیکنڈری ہیلتھ کئیرکی کاوش کو سراہا۔
صوبائی وزیر صحت کا کہنا تھا کہ پنجاب میں کورونا ویکسینیشن کی تعداد میں روزانہ اضافہ دیکھنے میں آرہا ہے جبکہ پنجاب میں ڈینگی کیسز میں بھی اضافہ ہورہا ہے۔
ڈاکٹر یاسمین راشد نے کہا کہ ڈینگی کے پھیلاؤ کو روکنا تمام متعلقہ محکمہ جات کی ذمہ داری ہے، پنجاب کے نجی ہسپتالوں میں ڈینگی کے مریضوں کیلئے 5000بسترمختص کئے گئے ہیں۔
صوبائی وزیر صحت نے کہا کہ پنجاب میں کورونا اور ڈینگی کا مقابلہ مربوط حکمت عملی سے کررہے ہیں جبکہ ڈینگی کے سب سے زیادہ کیسزلاہورمیں سامنے آرہے ہیں۔
ڈاکٹر یاسمین راشد کا کہنا تھا کہ پنجاب کے تمام تعلیمی اداروں میں انسدادڈینگی سپرے کیاجارہا ہے، پنجاب کے تمام تعلیمی اداروں میں کورونااور ڈینگی بارے آگاہی دینے کیلئے خصوصی لیکچرزکااہتمام کیا جائے۔
صوبائی وزیر صحت ڈاکٹر یاسمین راشد کا مزید کہنا تھا کہ ڈینگی پر قابوپا نے کیلئے سرگرمیوں کاضلع اور تحصیل کی سطح پرروزانہ جائزہ لیاجائے، تمام کمشنرزاور ڈپٹی کمشنرزکو انسدادڈینگی سرگرمیوں کی خودمانیٹرنگ کرنی ہوگی۔
اجلاس میں چیف سیکرٹری پنجاب، صوبائی وزیر صنعت و تجارت میاں اسلم اقبال،آئی جی پنجاب،کمشنرلاہورڈویژن،صحت کے سیکرٹریز،سیکرٹری بلدیات،سیکرٹری پی اینڈ ڈی،سیکرٹری ہاؤسنگ،ڈی جی ہیلتھ سروسز،ڈی سی لاہورودیگرافسران نے شرکت کی۔
The post ڈینگی کے پھیلاؤ کو روکنا تمام متعلقہ محکمہ جات کی ذمہ داری ہے، صوبائی وزیر صحت appeared first on .
