شائقین کرکٹ ہوجائیں تیار، اب ہوگی چھکے چوکوں کی برسات

شائقین کرکٹ ہوجائیں تیار کیونکہ اب ہوگی چھکے چوکوں کی برسات۔

تفصیلات کے مطابق 17اکتوبر سے میگا ایونٹ کا پہلا مرحلہ شروع ہوگا، 17اکتوبر کو گروپ میچز کا پہلا میچ اومان اور پاپوا نیوگنی کے درمیان کھیلا جائے گا۔

دوسری جانب انٹرنیشنل کرکٹ کونسل(آئی سی سی) نے ٹی ٹوئنٹی ورلڈکپ کی انعامی رقم کا اعلان کردیا ہے، فاتح ٹیم کو 16لاکھ ڈالرز ملیں گے، رنرز اپ کو 8 لاکھ جبکہ سیمی فائنل میں شکست کھانے والی ٹیمیں چار چار لاکھ ڈالرز کی حقدار ٹھہریں گی۔

ٹیموں کے گروپ میچز جیتنے کی رقم علیحدہ ہوگی، اگر پاکستانی ٹیم گروپ میں ناقابل شکست رہتے ہوئے ورلڈکپ جیتتی ہے تو وہ 32 کروڑ روپے کمالے گی۔

واضح رہے کہ ادھر پاکستان کرکٹ ٹیم کی تیاریاں جاری ہیں، قومی کرکٹرز آج بدھ کو آرام کریں گے جبکہ دوسرا سیناریو میچ جمعرات کو قذافی اسٹیڈیم میں ہوگا، پاکستان اسکواڈ 15اکتوبر کو متحدہ عرب امارات روانہ ہو گا۔

واضح رہے کہ ٹی ٹوئنٹی ورلڈ کپ 17اکتوبر سے متحدہ عرب امارات اور عمان میں شروع ہو گا، پاکستان اپنا پہلا میچ روایتی حریف بھارت کے خلاف کھیلے گا۔

آئی سی سی کے مطابق پاکستان اپنا دوسرا میچ 26اکتوبر کو نیوزی لینڈ کے خلاف کھیلے گا، قومی کھلاڑی اپنے تیسرے میچ میں 29 اکتوبر کو افغانستان کے مدمقابل ہوں گے۔

The post شائقین کرکٹ ہوجائیں تیار، اب ہوگی چھکے چوکوں کی برسات appeared first on .