اسکول ہاکی لیگ کا انعقاد خوش آئند ہے،عدنان ارشد اولکھ

ڈائریکٹرجنرل اسپورٹس عدنان ارشد اولکھ نے کہا ہے کہ اسکول ہاکی لیگ کا انعقاد خوش آئند ہے۔

تفصیلات کے مطابق اسپورٹس بورڈپاور ساؤتھ پنجاب ایجوکیشن ڈیپارٹمنٹ کے اشتراک سے اسکول ہاکی لیگ کا بہاولپور میں انعقاد کیا گیا ہے۔

لیگ میں 11اضلاع کے گرلز اور بوائز حصہ لے رہے ہیں جس میں گرلز اور بوائز کی 12،12ٹیمیں شامل ہیں ۔

 جنوبی پنجاب میں ہاکی کے فروغ کیلئےا سکول ہاکی لیگ کو گراس روٹ لیول سے شروع کیا گیا ہے جس میں ٹاؤن لیول سے لے کر اب تک 1098میچز ہوچکے ہیں۔

عدنان ارشد اولکھ کا کہنا تھا کہ ا سپورٹس بورڈ پنجاب ہاکی کے فروغ کیلئے بہترین اقدامات کررہا ہے ۔

 ان خیالات کا اظہارڈائریکٹرجنرل اسپورٹس پنجاب عدنان ارشد اولکھ نے بہاولپور میں جنوبی پنجاب اسکول ہاکی لیگ کی افتتاحی تقریب سے خطاب کرتے ہوئے کیا۔

The post اسکول ہاکی لیگ کا انعقاد خوش آئند ہے،عدنان ارشد اولکھ appeared first on .