شوکت ترین کی زیر صدارت ای سی سی کا اجلاس منعقد

شوکت ترین کی زیر صدارت ای سی سی کا اجلاس منعقد ہوا ہے۔
تفصیلات کے مطابق وزیر خزانہ شوکت ترین کی زیر صدارت ای سی سی کا اجلاس منعقد ہوا جس میں وفاقی وزراء، معاونین خصوصی، مشیروں اور دیگر اعلی حکام نے شرکت کی۔ اجلاس کا اعلامیہ بھی جاری کر دیا گیا ہے۔
جاری کردہ اعلامیہ کے مطابق اجلاس میں عرب اور فوجی فرٹیلائزر بن قاسم پلانٹس کی گیس کی فراہمی کی سمری منظور کر لی گئی ہے۔
اعلامیہ میں کہا گیا کہ پاک عرب کو 58 ایم ایم سی ایف ڈی اور فوجی فرٹیلائزر کو 63 ایم ایم سی ایف ڈی گیس دی جائے گی۔
اعلامیہ کے مطابق اجلاس میں کہا گیا کہ دونوں پلانٹس ربیع سیزن کے لیے کھاد کی طلب پوری کرنے کے لیے پیداوار یقینی بنائیں گے۔ مقامی سطح پر یوریا کھاد کی دستیابی سے قیمتوں پر نمایاں اثرات مرتب ہوں گے۔
اعلامیہ میں کہا گیا کہ ای سی سی نے پاکستان سافٹ ویئر ایکسپورٹ بورڈ کے لیے 2 ارب روپے سنگل لائن بجٹ کی منظوری دے دی ہے۔ ای سی سی نے پاکستان سافٹ ویئر ایکسپورٹ بورڈ کے تحت کیش انعامات کے لیے 4 ارب روپے کی منظوری بھی دی ہے۔
اعلامیہ میں کہا گیا کہ ای سی سی نے ٹیکسٹائل اینڈ ایپرل پالیسی 2020-25 کی سمری موخر کر دی ہے اور پالیسی پر مزید غور اور تبادلہ خیال کے لیے مختلف وزارتوں پر مشتمل سب کمیٹی تشکیل دے دی گئی ہے۔
اعلامیہ کے مطابق اجلاس میں ای سی سی کی ٹیکسٹائل اینڈ ایپرل پالیسی پر چند ہفتوں میں پالیسی پیش کرنے کی ہدایت دی گئی ہے۔

The post شوکت ترین کی زیر صدارت ای سی سی کا اجلاس منعقد appeared first on .