لاہور میں 14 سالہ گھریلو ملازمہ کے ساتھ زیادتی

لاہور کی مرغزار کالونی میں 14 سالہ گھریلو ملازمہ کو مبینہ طور پر زیادتی کا نشانہ بنا کر قتل کردیا گیا۔

تفصیلات کے مطابق 14 سالہ ملازمہ کا نام کرن تھا اور وہ مرغزار کالونی میں قاسم نامی شخص کے گھر پر گھریلو ملازمہ تھی، قاسم نے کرن کے اہلِ خانہ کو اطلاع دی کہ اس نے خودکشی کر لی ہے، کرن کے اہلِ خانہ لاش لے کر پتوکی چلے گئے۔

  ذرائع کا کہنا ہے کہ واقعے کی اطلاع ملنے پر پولیس نے موقع پر پہنچ کارروائی کی، سی سی پی او لاہور غلام محمود ڈوگر کے حکم پر تحقیقات شروع کردی گئیں۔

سی سی پی او لاہور غلام محمود ڈوگر نے کہا کہ ہنجروال پولیس نے قاسم نامی شخص کو حراست میں لے لیا جبکہ فیصل نامی شخص کو پتوکی پولیس نے حراست میں لیا، پوسٹ مارٹم کے بعد اصل حقائق سامنے لائے جائیں گے۔

سی سی پی او لاہور غلام محمود ڈوگر کا کہنا ہے کہ جرم ثابت ہونے پر ملزمان کے خلاف قانونی کارروائی کی جائے گی۔

انویسٹیگیشن ذرائع کا کہنا ہے کہ لاہور پولیس 14 سالہ کرن کی ڈیڈ باڈی جناح ہسپتال لے آئی ہے، بچی کا پوسٹ مارٹم صبح گھر والوں کی موجودگی میں کیا جائے گا۔

The post لاہور میں 14 سالہ گھریلو ملازمہ کے ساتھ زیادتی appeared first on .