ملک بھر میں سی این جی کی بندش

چیئرمین سی این جی ایسوسی ایشن غیاث پراچہ نے کہا ہے کہ ملک بھر میں سوئی سدرن اور سوئی نادرن کی جانب سے سی این جی اسٹیشنز کو گیس کی فراہمی بند کردی گئی ہے۔

تفصیلات کے مطابق سی این جی ایسوسی ایشن کے چیئرمین غیاث پراچہ نے اپنے جاری کردہ ایک پیغام میں کہا کہ ایل این جی کے نہ آنے یا تاخیر کی صورت میں سی این جی بند کر دیئے جاتے ہیں، قانون کے مطابق ترجیح قدرتی گیس پر ہے ایل این جی پر نہیں۔

چیئرمین غیاث پراچہ کا کہنا تھا کہ ہم سی این جی کی بندش کی پرزور مذمت کرتے ہیں۔

چیئرمین سی این جی ایسوسی ایشن غیاث پراچہ نے کہا کہ دونوں کمپنیاں گیس مہیا نہیں کر سکتی تو گیس کی برآمد میں رکاوٹ بھی نہ ڈالیں، نومبر میں گیس نہیں آرہی جس سے گیس کا بحران پیدا ہوگا، حکومت سے مطالبہ ہے کہ سی این جی سیکٹر کی اجازت والے اقدامات پر عمل کروایا جائے، سی این جی سیکٹر کو 24 گھنٹے کے لئے گیس کی فراہمی یقینی بنائی جائے۔

The post ملک بھر میں سی این جی کی بندش appeared first on .