Zeal News Pakistan First Complete Media Group
پی ڈی ایم کے رہنماء سینیٹر مولانا عبدالغفور حیدری نے کہا ہے کہ 16 اکتوبر کو فیصل آباد میں تاریخ ساز جلسہ ہو گا۔
تفصیلات کے مطابق پی ڈی ایم کے رہنماء سینیٹر مولانا عبدالغفور حیدری نے پاکستان مسلم لیگ ن کے رہنما رانا ثناءاللہ کے ہمراہ میڈیا سے گفتگو کرتے ہوئے کہا کہ پاکستان کی کرنسی بدترین سطح پر پہنچ گئی ہےافغانستان میں قائم مقام وزیر خزانہ نے ڈالر 88 کا کر دیا ہے۔
پی ڈی ایم کے رہنماء نے کہا کہ ایک کروڑ نوکریاں، ڈالر کی قیمتوں میں کمی، قرض اتارنے کے خواب دکھائے گئے۔ آٹا چینی گھی،اشیاء خوردونوش کی کی قیمتیں عام آدمی کی پہنچ سے دور ہو گئی ہیں۔
سینیٹر مولانا عبدالغفور حیدری کا کہنا تھا کہ کہ16 اکتوبر کو فیصل آباد میں تاریخ ساز جلسہ ہو گا، جلسہ نااہل حکومت کے خلاف ریفرنڈم ہو گا۔
پی ڈی ایم کے رہنماء سینیٹر مولانا عبدالغفور حیدری کا مزید کہنا تھا کہ اس ملک کو جتنی جلدی گھر بھیج دیں اچھا ہے،،ہم نے پورے ملک میں جلسے کیے اور یہاں بھی کامیاب ہو گا۔
اس موقع پر پاکستان مسلم لیگ ن کے رہنما رانا ثناءاللہ نے بھی پی ڈی ایم کے رہنماء سینیٹر مولانا عبدالغفور حیدری کے ہمراہ میڈیا سے گفتگو کرتے ہوئے کہا کہ 16 اکتوبر کو دھوبی گھاٹ میں پی ڈی ایم کا جلسہ ملک میں بحرانوں کے حوالے سے ہے۔
پاکستان مسلم لیگ ن کے رہنما کا کہنا تھا کہ ملک میں حکومتی نااہلی سے مہنگائی کا طوفان برپا ہے جبکہ سرکاری محکموں میں رشوت خوری ،کرپشن بھی عام ہے
رانا ثناءاللہ نے کہا کہ سیاست کو کنٹینر سیاست بنا کر ملک کا بیڑہ غرق کر دیا گیا،کنٹینر پر چڑھ کر ڈالروں کی بارش کے دعوے کیے گئے۔
پاکستان مسلم لیگ ن کے رہنما کا یہ بھی کہنا تھا کہ کٹھ پتلی کو مسلط کرکے ملک کا بیڑہ غرق کر دیا گیا ہے اس کٹھ پتلی کو لانے والوں کو اب دیکھنا چاہیے کہ ملک کس حال میں ہے،اس ملک کے بحرانوں کا حل فوری صاف اور شفاف الیکشن ہے،فوری طور پر الیکشن کروائے جائیں۔
رانا ثناءاللہ نے کہا کہ ایسی قیادت جو نا اہل ہو وہ ملک کو آگے لے کر نہیں چل سکتی 16 اکتوبر کو پی ڈی ایم کا جلسہ ہو گا،جلسے میں پی ڈی ایم کے قائدین آئیں گے اور عوام کٹھ پتلی حکومت کے خلاف اپنا فیصلہ دیں گے ۔
پاکستان مسلم لیگ ن کے رہنما رانا ثناءاللہ کا مزید کہنا تھا کہ بلاول کے بیان پر یہی کہوں گا کہ خواب دیکھنا ہر کسی کا حق ہے،الیکٹرانک ووٹنگ مشین کا استعمال نہیں ہو گا ۔ نواز شریف کی صحت جب بھی بہتر ہو گی وہ پاکستان آئیں گی، نواز شریف کو کوئی بھی ملک واپس آنے سے نہیں روک سکتا۔
The post 16 اکتوبر کو فیصل آباد میں تاریخ ساز جلسہ ہو گا، عبدالغفور حیدری appeared first on .
