نیشنل  اسنوکر چیپمئین شپ کے مقابلے جاری

نیشنل اسنوکر چیمپئین شپ کے مقابلے جاری ہیں۔

تفصیلات کے مطابق  چیمپئین شپ میں گزشتہ روز کھیلے گئے مقابلوں میں احسن رمضان (پنجاب) نے دفاعی چیمپئین ٹاپ سیڈ محمد آصف (این بی پی) کو 2-5 سے شکست دے کر اپ سیٹ کر دیا۔

 ٹورنامنٹ  کے ڈائریکٹر نوید کپاڈیہ کے مطابق 46 ویں قومی اسنوکر چیمپئین شپ میں محمد سجاد، حارث طاہر، احسن رمضان اور بابر مسیح نے سیمی فائنل میں جگہ بنالی ہے۔

 گذشتہ روز نیشنل بینک اسپورٹس کمپلیکس کراچی میں کھیلے گئے کوارٹر فائنل مقابلوں میں محمد سجاد نے ذوالفقار قادر کو 4-5، حارث طاہر نے شاہد آفتاب کو 2-5، احسن رمضان نے محمد آصف کو 2-5 اور بابر مسیح نے محمد فیضان کو 1-5 سے شکست دے کر سیمی فائنل کے لئے کوالیفائی کیا۔

 چیمپئین شپ کے سیمی فائنل مقابلے  اتوار کو کھیلے جائیں گے جبکہ فائنل  پیر کو کھیلا جائے گا۔

 پہلا سیمی فائنل محمد سجاد اورحارث طاہر کے درمیان کھیلا جائے گاجبکہ دوسرے سیمی فائنل میں احسن رمضان کا مقابلہ بابر مسیح سے ہوگا۔

 قبل ازیں پری کواٹر فائنل مقابلے کھیلے گئے،نتائج کے مطابق ذولفقار نے اعجاز کو 5-1(71-45, 72-18, 39-57, 72-14, 72-25, 61-56(59)) سے ،ساجد نے سلیم کو 5-1(24-72, 82-11(58), 99-10(62), 93-0(62), 68-25, 78-48) سے  شکست دی ۔

The post نیشنل  اسنوکر چیپمئین شپ کے مقابلے جاری appeared first on .