سونے سے پہلے ورزش کے کیا نقصانات ہیں ؟جانیے

کینیڈین سائنسدانوں نے دریافت کیا ہے کہ جو لوگ سونے سے دو گھنٹے پہلے خوب ورزش کرتے ہیں انہیں نہ صرف دیر سے نیند آتی ہے بلکہ ان کی نیند متاثر بھی رہ سکتی ہے۔

ریسرچ جرنل ’’سلیپ میڈیسن ریویو‘‘ میں شائع ہونے والی اس رپورٹ سے پتا چلتا کہ جن لوگوں نے رات کو سونے سے دو گھنٹے یا اس سے بھی پہلے اپنی ورزش یا جسمانی مشقت مکمل کرلی تو انہیں جلدی نیند آئی اور سکون کی نیند آئے گی۔

اس کے برعکس جو لوگ رات کی ورزش یا جسمانی مشقت کے دو گھنٹے بعد یا اس سے بھی پہلے سونے کے لئے لیٹ گئے انہیں نہ صرف بہت دیر سے نیند آئی بلکہ رات بھر ان کی نیند بھی متاثر رہی۔

اس تحقیق کا مطلب یہ ہے کہ اگر آپ ورزش اور جسمانی مشقت کے بہتر فوائد حاصل کرنا چاہتے ہیں تو سونے سے کم از کم دو گھنٹے پہلے انہیں مکمل کرلیجیے۔

واضح رہے کہ آج کل فٹنس کلبز اور جمز رات کو دیر تک کھلے رہتے ہیں جہاں دن بھر کی مصروفیت کے بعد تھک کر آنے والے خواتین و حضرات ورزش کرتے ہیں تاکہ ان کی صحت اچھی رہے اور وہ ’’فٹ‘‘ رہیں۔

حالیہ تحقیق سے رات کو دیر سے ورزش کرنے کے منفی اثرات ہی سامنے آئے ہیں۔

کونکورڈیا یونیورسٹی، کینیڈا کے سائنسدانوں نے اس تحقیق کے لئے ماضی میں جسمانی مشقت، ورزش اور نیند سے متعلق کیے گئے 15 سائنسی مطالعات کا جائزہ لیا جن میں مجموعی طور پر 194 افراد شریک تھے جن کی عمر 18 سے 50 سال کے درمیان تھی۔

اس تجزیئے کے بعد ماہرین نے خبردار کیا کہ چاہے آپ باڈی بلڈنگ کرتے ہوں یا پھر عمومی طور پر اپنی صحت بہتر رکھنا چاہتے ہوں، ہر صورت میں کوشش کیجیے کہ سونے سے دو گھنٹے پہلے اپنی ورزش مکمل کرلیں۔

اس کے علاوہ، ان کا مشورہ یہ بھی ہے کہ سونے سے پہلے سخت قسم کی ورزش سے بھی گریز کرنا چاہئیے کیونکہ یہ بھی نیند پر برا اثر ڈال سکتی ہے۔

The post سونے سے پہلے ورزش کے کیا نقصانات ہیں ؟جانیے appeared first on .