سرگودھا میں ڈاکٹر جلاد بن گیا

سرگودھا میں انسانیت بھی شرما گئی، ڈاکٹر جلاد بن گیا۔
تفصیلات کے مطابق ڈی ایچ کیو ہسپتال کے ایمرجنسی وارڈ میں فالج کی مریضہ کو ڈاکٹر نے بیڈ سے ٹھوکر مار کر زمین پر پٹخ دیا۔
ذرائع کا کہنا ہے ڈاکٹر نے فالج کی 58 سالہ بزرگ مریضہ کو زمین پر گرانے کے بعد مریضہ کے بچوں پر تھپڑوں اور مکوں کی بارش کر دی جس کی وجہ سے ایمرجنسی وارڈ میدان جنگ میں تبدیل ہو گیا۔
پولیس ذرائع کا کہنا ہے کہ لواحقین نے فالج زدہ بزرگ مریضہ کو ایمرجنسی وارڈ میں طبی امداد نہ ملنے کی شکایت کی تھی جس کی وجہ سے جلاد ڈاکٹر آپے سے باہر ہو گیا اور لواحقین پر تشدد کے بعد درجن سے زائد ڈاکٹرز کی فوج بلوا لی۔
ذرائع کا کہنا ہے کہ مریضہ کے لواحقین ڈاکٹر کی منت سماجت کرتے رہے پر ڈاکٹر نہ رکا۔
ذرائع کا کہنا ہے کہ لواحقین نے ڈاکٹر کی جانب سے تشدد کے بعد پولیس کو کال کر لی۔
ذرائع کے مطابق پولیس موقع پر پہنچ گئی اور قانونی کارروائی شروع کر دی۔

The post سرگودھا میں ڈاکٹر جلاد بن گیا appeared first on .