کوئٹہ کے زلزلے کی خوفناک خبر کے ساتھ جاگنا پریشان کُن ہے،احمد شہزاد

قومی کرکٹر احمد شہزاد نے کوئٹہ، سبی، ہرنائی سمیت بلوچستان کے مختلف علاقوں میں رات گئے آنے والے زلزلے پر شدید دُکھ کا اظہار کیا  ہے اور کہا ہے کہ کوئٹہ کے زلزلے کی خوفناک خبر کے ساتھ جاگنا پریشان کن ہے۔

تفصیلات کے مطابق قومی کرکٹر احمد شہزاد نے سماجی رابطے کی ویبسائٹ ٹویٹر پر جاری اپنے ایک بیان میں کہا کہ میرے خیالات اور دعائیں ہرنائی کے عوام کے ساتھ ہیں، اللہ سب کو سلامت رکھے، آمین۔‘

Devastated to wake up to this terrible news of Quetta #earthquake. My thoughts and prayers are with the people of Harnai. May Allah keep everyone safe Ameen.

— Ahmad Shahzad (@iamAhmadshahzad) October 7, 2021

دوسری جانب قومی کرکٹ ٹیم کے لیگ اسپنر  شاداب خان نے اپنے ٹوئٹ میں لکھا کہ ’میری دُعائیں، بلوچستان زلزلے کے متاثرین کے ساتھ ہیں۔‘

Lots of prayers for ppl affected by the earthquake in Balochistan. Allah sub ko apne hifz o amaan mai rakhay.

— Shadab Khan (@76Shadabkhan) October 7, 2021

اُنہوں نے مزید لکھا کہ ’اللہ  تعالیٰ سب کو اپنے حفظ و امان میں رکھے، آمین۔‘

واضح رہے کہ کوئٹہ، سبی، ہرنائی سمیت بلوچستان کے مختلف علاقوں میں رات گئے شدید زلزلے کے باعث 20 افراد جاں بحق ہوئے ہیں جبکہ 300 سے زائد زخمی ہوگئے، ہرنائی اور شاہرگ میں 70 سے زائد مکانات کو بھی نقصان پہنچا ہے۔

مختلف علاقوں میں کئی افراد ملبے تلے دب کر زخمی ہوئے، پی ڈی ایم اے کے مطابق جاں بحق ہونے والوں میں زیادہ تعداد بچوں کی ہے، تمام علاقوں میں امدادی کارروائیاں جاری ہیں۔

The post کوئٹہ کے زلزلے کی خوفناک خبر کے ساتھ جاگنا پریشان کُن ہے،احمد شہزاد appeared first on .