شاہ رخ خان کے بیٹے آریان خان کی واٹس ایپ چیٹ لیک ہوگئی؛ بھارت میں کھلبلی مچ گئی

بالی ووڈ اداکار شاہ رخ خان کے بیٹے آریان خان کو منشیات برآمدگی کیس میں گرفتار کیا گیا تھا۔

غیر ملکی خبر رساں ادارے کے مطابق این سی بی ذرائع کا کہنا ہے کہ گرفتار کیے گئے تمام افراد اور دو منشیات فروش جو اس وقت این سی بی کی تحویل میں ہیں مبینہ طور پر ایک دوسرے سے واٹس ایپ پر رابطے میں تھے۔

رپورٹ میں مزید بتایا گیا ہے کہ تمام افراد واٹس ایپ چیٹ میں بات کرتے ہوئے کوڈ ورڈز کا استعمال کرتے تھے۔

این سی بی نے سٹی کورٹ کے سامنے یہ دعویٰ بھی کیا کہ آریان خان اور اس کیس کے سلسلے میں گرفتار دو دیگر افراد کی واٹس ایپ چیٹس میں چونکا دینےوالا مواد سامنے آیاہے۔

تاہم آریان خان کے دوست اداکار ارباز کے والد نے این سی بی کی جانب سے واٹس ایپ چیٹس کے حوالے سے کیے گئے دعوے کی تردید کی ہے۔

اس حوالے سے ارباز کے والد نے کہا ہے کہ منشیات سے متعلق کوئی واٹس ایپ چیٹس نہیں ہیں۔

 واٹس ایپ چیٹ صرف جہاز پر جانے کے پروگرام کے حوالے سے کی گئی آخری لمحے کی بات چیت تھی کیونکہ انہیں جہاز پر ہونے والی پارٹی میں مدعو کیا گیا تھا۔

انہوں نے مزید بتایا کہ ارباز نے کروز پارٹی میں جانے سے قبل دوستوں کے ساتھ ہی ناشتہ کیا تھا اور دوستوں کے ساتھ ہی ڈنر بھی کرنا تھا۔

واضح رہے کہ منشیات برآمدگی کیس میں گرفتار آریان خان کے ریمانڈ میں 3 دن کی توسیع کردی گئی ہے۔

The post شاہ رخ خان کے بیٹے آریان خان کی واٹس ایپ چیٹ لیک ہوگئی؛ بھارت میں کھلبلی مچ گئی appeared first on .