عمر شریف کی قبر سے متعلق گفتگو کے دوران آبدیدہ ہونے کی ویڈیو وائرل

پاکستان کے معروف کامیڈین اور سینئر اداکار عمر شریف کے ماضی میں دیے گئے انٹرویو کا ویڈیو کلپ سوشل میڈیا  پر وائرل ہوگیا ہے۔

 اس ویڈیو کلپ میں عمر شریف کو اداکار نورالحسن سے گفتگو کرتے ہوئے دیکھا جاسکتا ہے۔

اس ویڈیو میں عمر شریف کو روتے ہوئے یہ کہتے سنا جاسکتا ہے کہ میں بس قبر سے گھبراتا ہوں کیوںکہ قبر جو ہے وہ انسان کا کردار بتاتی ہے۔

عمر شریف کا کہنا تھا کہ قبر میں  پسلیاں پسلیوں میں گھس جاتی ہیں، زبان بول نہیں پاتی اور انسان جواب نہیں دے پاتا یہ ایک خطرناک لمحہ ہے۔

انہوں نے مزید کہا کہ دنیا کے ہر انسان کی قبر اس انسان کے اعمال بتاتی ہے،انسان مٹی سے بنا ہے اور مٹی میں مل جائےگا۔

یاد رہےکہ عمر شریف  چند روز قبل علاج کی غرض سے امریکا روانہ ہوئے تھے تاہم جرمنی میں قیام کے دوران ان کی طبیعت بگڑ گئی اور وہ انتقال کرگئے۔

امریکا میں عمر شریف کے معالج ڈاکٹر طارق شہاب کے مطابق جرمنی کے اسپتال میں ڈائیلیسز کے 4 گھنٹے بعد عمر شریف کی طبیعت اچانک بگڑی اور دل کا دورہ پڑا جو جان لیوا ثابت ہو۔

The post عمر شریف کی قبر سے متعلق گفتگو کے دوران آبدیدہ ہونے کی ویڈیو وائرل appeared first on .